Visit:
రవిబాబు, సత్యప్రకాష్, చిత్రం శ్రీను, గడ్డం నవీన్ తదితరులు ప్రధాన పాత్రల్లో నటిస్తున్న చిత్రం ‘స్పిరిట్’. సి.హెచ్.రవీంద్రనాథ్ దర్శకుడు. రైతు దంపతులైన వెంకటేశ్వర్లు, నర్సమ్మ ఈ చిత్రాన్ని నిర్మిస్తుండటం విశేషం. సోమవారం ఈ సినిమా గీతాల్ని విడుదల చేశారు. తమ వద్ద ఉన్న గొర్రెలను అమ్ముకొని ఈ సినిమా తీశామని, అందరి సహకారంతో సినిమా అద్భుతంగా వచ్చిందని నిర్మాతలు వెంకటేశ్వర్లు,
నర్సమ్మ తెలిపారు. విభిన్నమైన కాన్సెప్ట్తో ఈ సినిమాను తెరకెక్కించామని, తన తల్లిదండ్రులు ఈ సినిమాకు నిర్మాతలుగా ఉండటం అదృష్టంగా భావిస్తున్నానని దర్శకుడు సి.హెచ్.రవీంద్రనాథ్ అన్నారు. ఈ చిత్రానికి కెమెరా: రాజ్కమల్ పి భరత్, సంగీతం: ఎస్.ఎస్.వెంకటేష్, సంతోష్ కావాలా, రచన-దర్శకత్వం: సి.హెచ్.రవీంద్రనాథ్.
