ధనుష్‌ పోలీస్‌ స్టోరీ?

కెరీర్‌ ఆరంభం నుంచి విభిన్న కథా చిత్రాలు, పాత్రల ద్వారా తనదైన పంథాను సృష్టించుకున్నారు తమిళ అగ్ర హీరో ధనుష్‌. అయితే కెరీర్‌లో ఇప్పటివరకు ఆయన పోలీస్‌ పాత్రను పోషించలేదు. అభిమానులు కూడా ఆయన్ని పోలీస్‌ క్యారెక్టర్‌లో చూడాలని కోరుకుంటున్నారు.

కెరీర్‌ ఆరంభం నుంచి విభిన్న కథా చిత్రాలు, పాత్రల ద్వారా తనదైన పంథాను సృష్టించుకున్నారు తమిళ అగ్ర హీరో ధనుష్‌. అయితే కెరీర్‌లో ఇప్పటివరకు ఆయన పోలీస్‌ పాత్రను పోషించలేదు. అభిమానులు కూడా ఆయన్ని పోలీస్‌ క్యారెక్టర్‌లో చూడాలని కోరుకుంటున్నారు. ఈ నేపథ్యంలో వారి అభిలాష ఫలించబోతున్నట్లు తెలిసింది. ధనుష్‌తో ‘సర్‌’ వంటి బ్లాక్‌బస్టర్‌ తీసిన దర్శకుడు వెంకీ అట్లూరి ఓ పవర్‌ఫుల్‌ పోలీస్‌స్టోరీని సిద్ధం చేస్తున్నారు. ఇందులో ధనుష్‌ హీరోగా నటించనున్నారు.

ఈ ప్రాజెక్ట్‌ కోసం తాను ప్రత్యేకంగా రీసెర్చ్‌ చేస్తున్నానని, యథార్థ సంఘటనల స్ఫూర్తితో కథ రాస్తున్నానని ఇటీవల ఓ ఇంటర్వ్యూలో వెల్లడించారు దర్శకుడు వెంకీ అట్లూరి. ప్రస్తుతం ధనుష్‌ తమిళంలో ‘ఓం’ చిత్రాన్ని చేస్తున్నారు. ‘అమరన్‌’ ఫేమ్‌ రాజ్‌కుమార్‌ పెరియసామి దర్శకత్వం వహిస్తున్న ఈ సినిమా అక్టోబర్‌ 16న ప్రేక్షకుల ముందుకురానుంది. దీని తర్వాత ధనుష్‌-వెంకీ అట్లూరి సినిమా పట్టాలెక్కుతుందని సమాచారం. ఇదిలావుండగా సూర్య కథానాయకుడిగా వెంకీ అట్లూరి దర్శకత్వంలో రూపొందుతున్న తాజా చిత్రం ‘విశ్వనాథ్‌ అండ్‌ సన్స్‌’ ఆగస్ట్‌ 14న విడుదలకానుంది.