Allu Arjun | చిరంజీవి బ‌ర్త్ డే..అల్లు అర్జున్ ఎక్క‌డ‌..?

టాలీవుడ్ (Tollywood) మెగాస్టార్ చిరంజీవి (Chiranjeevi) 66వ జన్మదిన వేడుకలు ఘనంగా జరిగాయి. ఈ వేడుకల్లో అల్లు అర్జున్ (Allu Arjun) మాత్రం మిస్ అయ్యాడు.

టాలీవుడ్ (Tollywood) మెగాస్టార్ చిరంజీవి (Chiranjeevi) 66వ జన్మదిన వేడుకలు ఘనంగా జరిగాయి. బయట ఉన్న పరిస్థితులకు అనుగుణంగా అతి తక్కువ మందితో తన బర్త్ డే సెలబ్రేట్ చేసుకున్నాడు చిరంజీవి. గతేడాది కరోనా కారణంగా ఇంట్లోనే పుట్టినరోజు వేడుకలు జరిగాయి. అప్పుడు అభిమానులు, ఇండస్ట్రీ నుంచి ప్రముఖులు ఎవరు చిరంజీవి ఇంటికి రాలేదు. ప్రస్తుతం పరిస్థితులు బాగానే ఉండటంతో చిరు ఇంటికి పెద్ద ఎత్తున సినీ ప్రముఖులు, అభిమానులు వచ్చారు. ఉదయం నుంచి సాయంత్రం వరకు పుట్టినరోజు వేడుకలు జరుగుతూనే ఉన్నాయి.

మరోవైపు మెగాస్టార్ కూడా అందరిని ప్రేమతో పలకరిస్తూ..విష్ చేయడానికి వచ్చిన వాళ్ళందరికి మనస్ఫూర్తిగా ధన్యవాదాలు తెలిపాడు. మధ్యాహ్నం వరకు సినీ పెద్దలకు సమయం ఇచ్చిన మెగాస్టార్.. ఆ తర్వాత కుటుంబ సభ్యులతో కలిసి బర్త్ డే వేడుకలు జరుపుకున్నాడు. ఈ వేడుకలో పవన్ కళ్యాణ్, రామ్ చరణ్, వరుణ్ తేజ్, సాయి ధరమ్ తేజ్, అల్లు శిరీష్, కళ్యాణ్ దేవ్, వైష్ణవ్ తేజ్ ఇలా మెగా హీరోలంతా కనిపించారు. ఇప్పటి వరకు అంతా బాగానే ఉంది కానీ..ఈ వేడుకల్లో అల్లు అర్జున్ (Allu Arjun) మాత్రం మిస్ అయ్యాడు.

ఎంత వెతికినా కూడా బన్నీ జాడ ఎక్కడా కనిపించలేదు. దాంతో సోషల్ మీడియాలో మళ్లీ వార్తలు మొదలయ్యాయి. చిరంజీవితో అల్లు అర్జున్ కు పొసగడం లేదని.. ఇద్దరి మధ్య కోల్డ్ వార్ జరుగుతుంది అంటూ కొత్త వార్తలు పుట్టుకొచ్చాయి. అగ్నికి వాయువు తోడైనట్లు రాంగోపాల్ వర్మ కూడా దీనిపై ఒక ట్వీట్ చేశాడు. అల్లు అర్జున్ సెల్ఫ్ మేడ్ మెగాస్టార్ అంటూ ఆకాశానికి ఎత్తేశాడు. ఆయనకు ఇలా చిరంజీవి పుట్టినరోజు వేడుకలకు వచ్చి భజన చేయాల్సిన అవసరం లేదు అంటూ సెటైర్లు వేశాడు. దాంతో నిజంగానే బన్నీ, చిరంజీవి మధ్య ఏదో జరుగుతుంది అంటూ వార్తలొచ్చాయి.

కానీ ఇందులో ఎంత మాత్రం నిజం లేదు.. అల్లు అర్జున్ చిరంజీవి బర్త్ డే వేడుకలకు రాకపోవడానికి ప్రధాన కారణం పుష్ప సినిమా షూటింగ్ లో బిజీగా ఉండడమే అని మెగా వర్గాలు చెబుతున్నాయి. ఇప్పటికే కరోనా కారణంగా ఈ సినిమా షూటింగ్ చాలా ఆలస్యం అయ్యింది. దాంతో బ్రేకులు తీసుకోకుండా షూటింగ్ పూర్తి చేస్తున్నాడు అల్లు అర్జున్. అక్కడ తీరిక లేకపోవడం వల్లే మెగాస్టార్ పుట్టిన రోజు వేడుకలకు అల్లుఅర్జున్ రాలేదు. అంతే తప్ప మరి ఇతర కారణాలు లేవు అంటున్నారు మెగా కుటుంబ సభ్యులు.

Esther Anil | చూపులతోనే మత్తెక్కిస్తోన్న ఎస్తర్ అనిల్..