Visit:
Akhanda 2 | అఖండ 2 సినిమా తర్వాత టాలీవుడ్ డైరెక్టర్ బోయపాటి శ్రీను కొత్త స్క్రిప్ట్పై పనిచేస్తున్నాడని తెలిసిందే. ఈ టాలెంటెడ్ డైరెక్టర్ నెక్ట్స్ సినిమా చేయబోయేది ఎవరితోనని మూవీ లవర్స్ చర్చించుకుంటుండగా.. ఆసక్తికర వార్త ఒకటి బయటకు వచ్చింది. ముందుగా ఐకాన్ స్టార్ అల్లు అర్జున్తో సినిమాకు ప్లాన్ చేస్తున్నట్టు వార్తలు రాగా వర్కవుట్ కాలేదు. ఆ తర్వాత బాలీవుడ్ యాక్టర్తో సినిమా చేయబోతున్నాడని వార్తలు వచ్చినా పుకార్లుగానే మిగిలిపోయాయి. తాజాగా కోలీవుడ్ యాక్టర్ పేరు తెరపైకి వచ్చింది.
తెలుగు, తమిళంలో మంచి ఫ్యాన్ బేస్ ఉన్న కార్తీతో సినిమా చేసేందుకు బోయపాటి ప్లాన్ చేస్తున్నాడని ఓ న్యూస్ నెట్టింట టాక్ ఆఫ్ ది టౌన్గా మారింది. బోయపాటి శ్రీను-కార్తీ కోసం కథ రెడీ చేశాడని అన్నీ కుదిరితే రాబోయే రోజుల్లో ఈ కాంబోకు సెట్స్పైకి వెళ్లడం ఖాయమని ఇన్సైడ్ టాక్. మరి దీనిపై అపీషియల్ అనౌన్స్మెంట్ ఎప్పుడొస్తుందనేది చూడాలి. ఇక మాస్ యాక్షన్ సినిమాలతో గూస్బంప్స్ తెప్పించే బోయపాటి క్లాస్, మాస్ ఫాలోయింగ్ ఉన్న కార్తీ కోసం ఎలాంటి కథను రెడీ చేశాడు.. సిల్వర్ స్క్రీన్పై ఎలా చూపించబోతున్నాడన్నది ఆసక్తికరంగా మారింది.
