Beast OTT | మ‌రి కొన్ని గంట‌ల్లో ‘బీస్ట్’ ఓటీటీ స్ట్రీమింగ్‌.. ఎప్పుడు? ఎక్క‌డంటే?

Beast OTT Streaming Time | కోలీవుడ్ స్టార్ విజ‌య్ ప్ర‌ధాన పాత్ర‌లో న‌టించిన లేటెస్ట్ చిత్రం ‘బీస్ట్‌’. నెల్స‌న్ కుమార్ ద‌ర్శ‌క‌త్వం వ‌హించిన ఈ చిత్రం ఏప్రిల్ 13న విడుద‌లైంది. భారీ అంచ‌నాల న‌డుమ విడుద‌లైన ఈ చిత్రం ప్రేక్ష‌కుల‌ను తీవ్రంగా నిరాశ‌ప‌రిచింది. ‘డాక్ట‌ర్’ వంటి బ్లాక్ బ‌స్ట‌ర్ త‌ర్వాత నెల్స‌న్ కుమార్ ఈ చిత్రం తెర‌కెక్కించ‌డంతో ప్రేక్ష‌కుల‌లో భారీ స్థాయిలో అంచ‌నాలు నెల‌కొన్నాయి. కానీ ఈ చిత్రం ప్రేక్ష‌కులనే కాదు విజ‌య్ అభిమానుల‌ను సైతం తీవ్రంగా నిరాశ‌ప‌రిచింది. క‌థ బాగానే ఉన్న క‌థ‌నం స్లోగా ఉందని, కామెడీ అన్ని చోట్ల వ‌ర్కౌట్ అవ్వలేదని ప్రేక్ష‌కులు అభిప్రాయ‌పడ్డారు.

పైగా ఈ చిత్రం విడుద‌లైన మ‌రుస‌టి రోజే ‘కేజీఎఫ్-2’ విడుద‌ల‌వ‌డం బీస్ట్‌కు గ‌ట్టి పోటీనిచ్చింది. ‘మాస్ట‌ర్’ వంటి బ్లాక్ బ‌స్ట‌ర్ త‌ర్వాత విజ‌య్ నుంచి ఈ చిత్రం రావ‌డంతో తెలుగులో 10కోట్ల వ‌ర‌కు బిజినెస్ జ‌రిగింది. ఫైన‌ల్‌గా ఈ చిత్రం రూ.6.32 కోట్ల వ‌ర‌కు క‌లెక్ష‌న్ల‌ను సాధించి డిస్ట్రిబ్యూట‌ర్‌ల‌కు రూ.3.68 కోట్ల వ‌ర‌కు న‌ష్టాన్ని మిగిల్చింది. ఈ చిత్రం ఇప్పుడు డిజిట‌ల్ విడుద‌ల‌కు సిద్ధ‌మైంది. ప్ర‌ముఖ ఓటీటీ సంస్థ‌లైన‌ ‘స‌న్ ఎన్ఎక్స్‌టి’, ‘నెట్‌ఫ్లిక్స్‌’ల‌లో ఈ చిత్రం మంగ‌ళ‌వారం అర్థ‌రాత్రి 12గంట‌ల నుంచి స్ట్రీమింగ్ కానుంది. పూజా హెగ్డే హీరోయిన్‌గా న‌టించిన ఈ చిత్రాన్ని స‌న్ పిక్చ‌ర్స్ బ్యాన‌ర్‌పై క‌ళానిధి మార‌న్ నిర్మించాడు.