పూరితో వన్స్‌మోర్‌

‘పైసావసూల్‌’ తర్వాత బాలకృష్ణ,దర్శకుడు పూరి జగన్నాథ్‌ కలయిక మరోసారి వెండితెరపై ఆవిష్కృతం కానున్నది. గత సినిమాల ఫలితాల్ని దృష్టిలో పెట్టుకొని కథాంశాల ఎంపికలో తన పంథాను మార్చిన బాలకృష్ణ వరుసగా సినిమాలకు గ్రీన్‌సిగ్నల్‌ ఇస్తున్నారు. తాజాగా పూరి జగన్నాథ్‌ దర్శకత్వంలో ఓ సినిమా చేయబోతున్నట్లు ఇటీవల ఆయన వెల్లడించారు. మాస్‌ అంశాలకు యాక్షన్‌ హంగులను మేళవించి దర్శకుడు చెప్పిన పాయింట్‌ నచ్చడంతో బాలకృష్ణ ఈ చిత్రాన్ని అంగీకరించినట్లు తెలిసింది. ప్రస్తుతం ‘అఖండ’ చిత్రీకరణతో బిజీగా ఉన్న బాలకృష్ణ ఆ తర్వాత గోపీచంద్‌ మలినేనితో యాక్షన్‌ సినిమా చేయబోతున్నారు. ఈ చిత్రం పూర్తయిన తర్వాత పూరి జగన్నాథ్‌ సినిమా సెట్స్‌పైకివెళ్లనున్నట్లు తెలిసింది.