లెనిన్‌లో అదే హైలైట్‌!

అక్కినేని అఖిల్‌ తాజా చిత్రం ‘లెనిన్‌'పై అంచనాలు భారీగానే ఉన్నాయి. ఇప్పటికే విడుదల చేసిన ప్రచార చిత్రాలు సినిమాపై హైప్‌ను తీసుకొచ్చాయి. బలమైన సామాజికాంశాలను చర్చిస్తూ రాయలసీమ నేపథ్యంలో తెరకెక్కిస్తున్న ఈ కథలో అఖిల్‌ పాత్ర గత చిత్రాలకు పూర్తి భిన్నంగా ఉంటుందని తెలిసింది.

అక్కినేని అఖిల్‌ తాజా చిత్రం ‘లెనిన్‌’పై అంచనాలు భారీగానే ఉన్నాయి. ఇప్పటికే విడుదల చేసిన ప్రచార చిత్రాలు సినిమాపై హైప్‌ను తీసుకొచ్చాయి. బలమైన సామాజికాంశాలను చర్చిస్తూ రాయలసీమ నేపథ్యంలో తెరకెక్కిస్తున్న ఈ కథలో అఖిల్‌ పాత్ర గత చిత్రాలకు పూర్తి భిన్నంగా ఉంటుందని తెలిసింది. కెరీర్‌లో బ్లాక్‌బస్టర్‌ హిట్‌ కోసం ఎదురుచూస్తున్న అఖిల్‌ ఈ సినిమాను ఛాలెంజింగ్‌గా తీసుకున్నారని చెబుతున్నారు. తాజాగా ఈ సినిమా గురించి ఓ ఇంట్రెస్టింగ్‌ అప్‌డేట్‌ బయటికొచ్చింది.

ఫ్లాష్‌బ్యాక్‌ ఎపిసోడ్‌లో అఖిల్‌ యాభైఏళ్ల వ్యక్తిగా సరికొత్త లుక్‌తో కనిపిస్తారట. సినిమాలో ఈ ఘట్టం ప్రధానాకర్షణగా నిలుస్తుందని, అఖిల్‌ నటనలోని కొత్త కోణాన్ని ఆవిష్కరిస్తుందని మేకర్స్‌ అంటున్నారు. మురళీ కిషోర్‌ అబ్బూరు దర్శకత్వం వహిస్తున్న ఈ చిత్రాన్ని మనం ఎంటర్‌ప్రైజెస్‌, సితార ఎంటర్‌టైన్‌మెంట్స్‌ పతాకాలపై అక్కినేని నాగార్జున, సూర్యదేవర నాగవంశీ నిర్మిస్తున్నారు. భాగ్యశ్రీ బోర్సే కథానాయిక. ఈ వేసవిలో ప్రేక్షకుల ముందుకు రానుంది.