Aadi Sai Kumar | ‘క్రేజీఫెల్లో’ ఫ‌స్ట్‌సింగిల్ విడుద‌ల‌.. ఆక‌ట్టుకుంటున్న మెలోడియ‌స్ ట్యూన్‌

Crazy Fellow Fisrt Single | హిట్లు, ఫ్లాపుల‌లో సంబంధంలేకుండా వ‌రుస‌గా సినిమాల‌ను చేస్తూ ప్రేక్ష‌కుల‌ను అల‌రిస్తుంటాడు ఆది సాయికుమార్‌. ‘ప్రేమ‌కావాలి’ సినిమాతో ఇండస్ట్రీలోకి ఎంట్రీ ఇచ్చిన ఆది అన‌తికాలంలోనే మంచి న‌టుడుగా గుర్తింపు తెచ్చుకున్నాడు. ప్ర‌స్తుతం ఈయ‌న క్రేజ్ ఎలా ఉన్నా సినిమాల‌ను మాత్రం వ‌రుస పెట్టి ఓకే చేస్తున్నాడు. ఇప్ప‌టికే ఈయ‌న ఆరు సినిమాల‌ను లైన్లో పెట్టాడు. అందులో ‘క్రేజీ ఫెల్లో’ ఒక‌టి. సిరికి ఫ‌ణికృష్ణ ఈ చిత్రంతో ద‌ర్శ‌కుడిగా ప‌రిచ‌య‌మ‌వుతున్నాడు. ఇటీవలే విడుద‌లైన ఫ‌స్ట్‌లుక్ పోస్ట‌ర్‌కు ప్రేక్ష‌కుల నుంచి విశేష స్పంద‌న వ‌చ్చింది. తాజాగా మేక‌ర్స్ ఈ చిత్రం నుండి ఫ‌స్ట్ సింగిల్‌ను విడుద‌ల చేశారు.

‘రావే రావే.. నా చెలియా’ అంటూ సాగే మెలోడీయ‌స్ సాంగ్ శ్రోత‌ల‌ను ఆక‌ట్టుకుంటుంది. అల‌రాజు సాహిత్యం అందించిన ఈ పాట‌ను శ్రీ రామ‌చంద్ర ఆల‌పించాడు. ఆర్ఆర్ దృవ‌న్ సంగీతం అందించిన ఈ పాట‌లో ఆది లుక్స్ స్టైలిష్‌గా ఉన్నాయి. స‌తీష్ ముత్యాల కెమెరా విజువ‌ల్స్ బాగున్నాయి. ఈ చిత్రంలో ఆదికి జోడీగా దిగంగ‌న సూర్య‌వంశీ, మిర్నా మీన‌న్ హీరోయిన్లుగా న‌టిస్తున్నారు. ఫ్యామిలీ ఎంట‌ర్‌టైన‌ర్‌గా తెర‌కెక్కుతున్న ఈ చిత్రాన్ని స‌త్య‌సాయి ఆర్ట్స్ ప‌తాకంపై కెకె రాధామోహ‌న్ నిర్మిస్తున్నాడు. ప్ర‌స్తుతం ఈ చిత్రం శ‌ర‌వేగంగా షూటింగ్ జ‌రుపుకుంటుంది.

Indulge in this beautiful melody #RaveRave song😍🥳

► https://t.co/mnNI9tsglB

🎶#RRDhruvan#CrazyFellow @AadiSaikumar @DiganganaS @mirnaaofficial @siriki_phani @SriSathyaSaiArt @KKRadhamohan @Sreeram_singer @SatyaYamini1 #AlaRaju #SatishMutyala @GiduturiSatya @adityamusic pic.twitter.com/9enFFaaYnr

— 𝐕𝐚𝐦𝐬𝐢𝐒𝐡𝐞𝐤𝐚𝐫 (@UrsVamsiShekar) June 6, 2022