టెలివిజన్‌లో ‘ఆచార్య’ షాకింగ్‌ టీఆర్‌పీ.. ఆ సీనియర్‌ హీరోల దగ్గరకు కూడా రాలేకపోయిన చిరు..!

Acharya Movie | ఈ ఏడాది టాలీవుడ్‌ బిగ్గెస్ట్‌ ఫ్లాప్‌లలో 'ఆచార్య' ఒకటి. చిరంజీవి, రామ్‌చరణ్‌ ప్రధాన పాత్రల్లో నటించిన ఈ చిత్రానికి కొరటాల శివ దర్శకత్వం వహించాడు. భారీ అంచనాల నడుమ ఏప్రిల్‌ 29న రిలీజైన ఈ చిత్రం మొదటి రోజు నుండి నెగెటీవ్‌ టాక్‌ తెచ్చుకుని బాక్సాఫీస్ దగ్గర ఫేయిల్యూర్‌గా మిగిలింది.

Acharya Movie | ఈ ఏడాది టాలీవుడ్‌ బిగ్గెస్ట్‌ ఫ్లాప్‌లలో ‘ఆచార్య’ ఒకటి. చిరంజీవి, రామ్‌చరణ్‌ ప్రధాన పాత్రల్లో నటించిన ఈ చిత్రానికి కొరటాల శివ దర్శకత్వం వహించాడు. భారీ అంచనాల నడుమ ఏప్రిల్‌ 29న రిలీజైన ఈ చిత్రం మొదటి రోజు నుండి నెగెటీవ్‌ టాక్‌ తెచ్చుకుని బాక్సాఫీస్ దగ్గర ఫేయిల్యూర్‌గా మిగిలింది. ఓపెనింగ్స్ పర్వాలేదనిపించిన రెండో రోజు నుండి కనీసం థియేటర్ రెంట్‌కు సరిపడ కలెక్షన్‌లు కూడా సాధించలేకపోయింది. అపజయమే ఎరుగని కొరటాలకు ఈ చిత్రం మొదటి ఫ్లాప్‌గా మిగిలింది. కొరటాల మార్క్‌ సినిమాలో ఎక్కడా కూడా కనిపించదు. ఈ సినిమా ఫలితంతో చిరు-చరణ్‌లు తీవ్రంగా నిరాశపడ్డారు. అయితే ఈ చిత్రం వెండితెరపైనే కాదు బుల్లితెర ప్రేక్షకులను కూడా ఆకట్టుకోలేకపోయింది.

ఆచార్య సినిమా ఇటీవలే జెమెని టీవీలో ప్రదర్శితమైన విషయం తెలిసిందే. కాగా ఈ చిత్రం 6.3 టీఆర్‌పీ రేటింగ్‌ను నమోదు చేసింది. అయితే రీ ఎంట్రీ తర్వాత చిరు నటించిన సినిమల్లో ఇదే అత్యల్పం. అంతేకాకుండా ఇటీవలే వచ్చిన నాగార్జున ‘బంగార్రాజు’, బాలయ్య ‘అఖండ’, వెంకటేష్‌ ‘ఎఫ్‌-3’ వంటి సీనియర్‌ హీరోల సినిమా టీఆర్‌పీ రేటింగ్‌కు చిరంజీవి దగ్గరలో కూడా రాలేకపోయాడు. వెండితెరపైనే కాదు, బుల్లితెరపై కూడా ఈ చిత్రం విజయం సాధించలేకపోయింది. దేవాల‌యాల్లో జ‌రుగుతున్న అక్రమాల నేప‌థ్యంలో ఈ చిత్రం తెరకెక్కింది. ఈ సినిమాలో రామ్‌చరణ్‌ సిద్ద పాత్ర‌లో న‌టించాడు. చరణ్‌కు జోడీగా పూజా హెగ్డే హీరోయిన్‌గా నటించింది. మ్యాట్నీ ఎంట‌ర్టైన‌మెంట్స్ బ్యాన‌ర్‌తో క‌లిసి కొణిదెల ప్రొడ‌క్ష‌న్స్ బ్యాన‌ర్‌పై చ‌ర‌ణ్ స్వీయ నిర్మాణంలో తెర‌కెక్కించాడు.