Tees Maar Khan Teaser | హిట్లు, ఫ్లాపులలో సంబంధంలేకుండా వరుసగా సినిమాలను చేస్తూ ప్రేక్షకులను అలరిస్తుంటాడు ఆది సాయికుమార్. ‘ప్రేమకావాలి’ సినిమాతో ఇండస్ట్రీలోకి ఎంట్రీ ఇచ్చిన ఆది అనతికాలంలోనే మంచి నటుడుగా గుర్తింపు తెచ్చుకున్నాడు. ప్రస్తుతం ఈయన క్రేజ్ ఎలా ఉన్నా సినిమాలను మాత్రం వరుస పెట్టి ఓకే చేస్తున్నాడు. ప్రస్తుతం ఈయన ఆరు సినిమాలను లైన్లో పెట్టాడు. అందులో ‘తీస్ మార్ ఖాన్’ ఒకటి. కళ్యాణ్ జీ గోగన దర్శకత్వం వహించాడు. ఇదివరకే చిత్రం నుంచి విడుదలైన ప్రచార చిత్రాలు ప్రేక్షకులను విపరీతంగా ఆకట్టుకున్నాయి. కరోనా కారణంగా విడుదల వాయిదా పడుతూ వచ్చింది. కాగా ఇటీవలే మేకర్స్ జూలై 27న చిత్రాన్ని విడుదల చేయనున్నట్లు ప్రకటించారు. ఈ క్రమంలో చిత్రబృందం టీజర్ను విడుదల చేసింది.
‘ఆఫీస్కు వెళ్ళే మా అన్న తిరిగి రాలేడు’ అంటూ టీజర్ మొదలైంది. ‘మనం ఆపలనుకున్నంత పవర్ మన దగ్గరున్న.. మనం ఆపలేనంత పవర్ వాడి దగ్గరుంది’ సార్ అంటూ వచ్చే డైలాగ్ విలన్ బలాన్ని తెలియజేస్తుంది. ‘రాక్షసుడికి రక్షకుడు అంటే ఏంటో చూపించండి’ అనే డైలాగ్తో హీరో ఎంట్రీ అద్భుతంగా ఉంది. ఆది, రాజ్పుత్ పాయల్ మధ్య వచ్చే సన్నివేశాలు ఆకట్టుకుంటున్నాయి. టీజర్ మొత్తం ఆది పవర్ ప్యాక్డ్ షోతో నిండి ఉంది. చాలా కాలం తర్వాత ఆది ఈ చిత్రంలో పవర్ ఫుల్ పాత్రలో కనిపించనున్నట్లు టీజర్ను చూస్తే తెలుస్తుంది.
‘ఆర్ ఎక్స్100’ బ్యూటీ రాజ్పుత్ పాయల్ హీరోయిన్గా నటించిన ఈ చిత్రాన్ని విజయ్ సినిమాస్ బ్యానర్పై నాగం తిరుపతిరెడ్డి నిర్మించాడు. సునీల్, పూర్ణ, కబీర్ దుహన్ సింగ్ కీలకపాత్రల్లో నటించిన ఈ చిత్రంలో ఆది మూడు విభిన్న పాత్రల్లో నటించనున్నాడు. ఒకటి స్టూడెంట్ పాత్ర కాగా మరోకటి రౌడి పాత్ర.. ఇంకోటీ పోలీస్ పాత్ర. ఇలా మూడు డిఫరెంట్ క్యారెక్టరైజేషన్స్తో ప్రేక్షకులను ఎంటర్టైన్ చేయడానికి సిద్ధమైయ్యాడు.