Tees Maar Khan Big Announcement | హిట్లు, ఫ్లాపులలో సంబంధంలేకుండా వరుసగా సినిమాలను చేస్తూ ప్రేక్షకులను అలరిస్తుంటాడు ఆది సాయికుమార్. ‘ప్రేమకావాలి’ సినిమాతో ఇండస్ట్రీలోకి ఎంట్రీ ఇచ్చిన ఆది అనతికాలంలోనే మంచి నటుడుగా గుర్తింపు తెచ్చుకున్నాడు. ప్రస్తుతం ఈయన క్రేజ్ ఎలా ఉన్నా సినిమాలను మాత్రం వరుస పెట్టి ఓకే చేస్తున్నాడు. ప్రస్తుతం ఈయన ఆరు సినిమాలను లైన్లో పెట్టాడు. అందులో ‘తీస్ మార్ ఖాన్’ ఒకటి. కళ్యాణ్ జీ గోగన దర్శకత్వం వహించాడు. ఇటీవలే చిత్రం నుండి విడుదలైన టీజర్కు ప్రేక్షకుల నుండి విశేష స్పందన వచ్చింది. యాక్షన్ ఎంటర్టైనర్గా తెరకెక్కిన ఈ చిత్రాన్ని జూలై 27న విడుదల చేయనున్నట్లు మేకర్స్ ఇటీవలే ప్రకటించారు. ఈ నేపథ్యంలో చిత్ర యూనిట్ వరుస అప్డేట్లను ప్రకటిస్తూ ప్రేక్షకులలో ఆసక్తిని క్రియేట్ చేస్తున్నారు.
ఇదిలా ఉంటే తాజాగా చిత్రబృందం మరో అప్డేట్ను ప్రకటించింది. ఈ చిత్రానికి సంబంధించిన బిగ్ అనౌన్స్మెంట్ను శుక్రవారం సాయంత్రం 5.04 నిమిషాలకు వెల్లడించనున్నట్లు మేకర్స్ తెలిపారు. దీన్ని బట్టి చూస్తే ట్రైలర్ డేట్ను ప్రకటించనున్నట్లు తెలుస్తుంది. రాజ్పుత్ పాయల్ హీరోయిన్గా నటించిన ఈ చిత్రాన్ని విజయ్ సినిమాస్ బ్యానర్పై నాగం తిరుపతిరెడ్డి నిర్మించాడు. సునీల్, పూర్ణ, కబీర్ దుహన్ సింగ్ కీలకపాత్రల్లో నటించిన ఈ చిత్రంలో ఆది మూడు విభిన్న పాత్రల్లో నటించనున్నాడు. ఒకటి స్టూడెంట్ పాత్ర కాగా మరోకటి రౌడి పాత్ర.. ఇంకోటీ పోలీస్ పాత్ర. ఇలా మూడు డిఫరెంట్ క్యారెక్టరైజేషన్స్తో ప్రేక్షకులను ఎంటర్టైన్ చేయడానికి సిద్ధమైయ్యాడు.
An Exciting Announcement coming ur way tomorrow at 05:04 PM#TeesMaarKhan🔫💥#AadiSaiKumar #NagamTirupathiReddy @starlingpayal @Mee_Sunil @shamna_kkasim @kalyankumarraja @ThirmalYalla @ImSaiKartheek @TheSaiSatish @ParvathaneniRam pic.twitter.com/9WUkSQAXhJ
— BA Raju's Team (@baraju_SuperHit) July 7, 2022