Visit:
శేరిలింగంపల్లి, జూలై 12: తెలుగు ఫిలిమ్ డ్యాన్సర్స్, డ్యాన్స్ డైరెక్టర్స్ అసోసియేషన్లో ఎన్నికల నిర్వహణపై వివాదం నెలకొంది. ఆదివారం మధ్యాహ్నం రాయదుర్గంలోని కార్యాలయంలో రెండు వర్గాలుగా విడిపోయిన డ్యాన్సర్లు గొడవకు దిగారు. ఎన్నికలు నిర్వహించాలని పిలుపునివ్వడంతో కార్మిక శాఖ అధికారి అసోసియేషన్ కార్యాలయానికి వచ్చారు. సభ్యుల అనుమతి లేకుండానే ఎన్నికలకు వెళ్తున్నారని అధికారి ముందే మరో వర్గానికి చెందిన డ్యాన్సర్లు గొడవకు దిగారు.
ఎన్నికలు నిర్వహించాలని శేఖర్ మాస్టర్ వర్గం పట్టుబడుతుండగా, ఎన్నికల ప్రక్రియ నిలిపివేయాలని జానీ మాస్టర్ వర్గం గొడవ పడినట్టు పోలీసులు తెలిపారు. ఒక వర్గం సభ్యులు ఎన్నికల ప్రక్రియను రద్దు చేయాలని రాయదుర్గం పోలీసులకు లిఖితపూర్వక ఫిర్యాదు చేశారు.
