Relaince -LIC | టాప్-10లో ఎనిమిది సంస్థల ఎం-క్యాప్ రూ.1.66 లక్షల కోట్లు లాస్.. రిలయన్స్ ఎల్ఐసీలకు భారీ నష్టం..!

Relaince -LIC | గతవారం దేశీయ స్టాక్ మార్కెట్లలో ట్రేడింగ్ ముగిసిన తర్వాత బీఎస్ఈ-30లో టాప్-10 సంస్థల్లో ఎనిమిది సంస్థల మార్కెట్ క్యాపిటలైజేషన్ రూ.1,66,954.07 కోట్లు హరించుకుపోయింది.

Relaince -LIC | గతవారం దేశీయ స్టాక్ మార్కెట్లలో ట్రేడింగ్ ముగిసిన తర్వాత బీఎస్ఈ-30లో టాప్-10 సంస్థల్లో ఎనిమిది సంస్థల మార్కెట్ క్యాపిటలైజేషన్ రూ.1,66,954.07 కోట్లు హరించుకుపోయింది. వాటిలో రిలయన్స్ ఇండస్ట్రీస్, భారతీయ జీవిత బీమా సంస్థ (ఎల్ఐసీ) భారీగా నష్టపోయాయి. బీఎస్ఈ ఇండెక్స్ సెన్సెక్స్ గతవారం 1,276.04 పాయింట్లు (1.57 శాతం) పతనమైంది.

రిలయన్స్ ఇండస్ట్రీస్ మార్కెట్ క్యాపిటలైజేషన్ రూ.33,930.56 కోట్లు నష్టపోయి రూ.19,94,765.01 కోట్లకు చేరుకున్నది. భారతీయ జీవిత బీమా సంస్థ (ఎల్ఐసీ) ఎం-క్యాప్ రూ.30,674.24 కోట్ల పతనంతో రూ.7,17,001.74 కోట్ల వద్ద స్థిర పడింది. భారతీయ స్టేట్ బ్యాంక్ (ఎస్బీఐ) ఎం-క్యాప్ రూ.21,151.33 కోట్ల నష్టంతో రూ.7,35,566.52 కోట్ల వద్ద ముగిసింది. ఐటీ దిగ్గజం ఇన్పోసిస్ ఎం-క్యాప్ రూ.20,973.19 కోట్ల నష్టంతో రూ.7,35,277.28 కోట్లకు చేరుకున్నది.

టాటా కన్సల్టెన్సీ సర్వీసెస్ (టీసీఎస్) మార్కెట్ క్యాపిటలైజేషన్ రూ.19,157.77 కోట్లు పతనమై రూ.15,30,469.11 కోట్లకు పరిమితమైంది. భారతీ ఎయిర్ టెల్ ఎం-క్యాప్ రూ.16,993.56 కోట్ల నష్టంతో రూ.8,33,396.32 కోట్లకు చేరుకున్నది. ఐసీఐసీఐ బ్యాంక్ ఎం-క్యాప్ రూ.16,975.55 కోట్లు కోల్పోయి రూ.8,25,201.23 కోట్ల వద్ద ముగిసింది.హెచ్డీఎఫ్సీ బ్యాంక్ మార్కెట్ క్యాపిటలైజేషన్ రూ.7,095.87 కోట్లు పతనమై రూ.12,56,505.53 కోట్లకు చేరుకున్నది.

మరోవైపు, హిందూస్థాన్ యూనీ లివర్ (హెచ్‌యూఎల్) ఎం-క్యాప్ రూ.12,946.24 కోట్ల వృద్ధితో రూ.6,45,808.65 కోట్ల వద్ద నిలిచింది. ఐటీసీ ఎం-క్యాప్ రూ.8,406.26 కోట్ల లబ్ధితో రూ.6,19,829.37 కోట్లకు పెరిగింది. గతవారం ట్రేడింగ్ ముగిసిన తర్వాత టాప్ -10 సంస్థల్లో రిలయన్స్ మొదటి స్థానంలో కొనసాగుతున్నది. తర్వాతీ స్థానాల్లో టీసీఎస్, హెచ్డీఎఫ్సీ బ్యాంక్, భారతీ ఎయిర్ టెల్, ఐసీఐసీఐ బ్యాంక్, భారతీయ స్టేట్ బ్యాంక్, ఇన్పోసిస్, ఎల్ఐసీ, హిందూస్థాన్ యూనీ లివర్ (హెచ్‌యూఎల్), ఐటీసీ నిలిచాయి.