కేఫిన్‌ టెక్నాలజీ లాభం 61 కోట్లు

టెక్నాలజీ ఆధారిత ఆర్థిక సేవల సంస్థ కేఫిన్‌ టెక్నాలజీస్‌ ఆశాజనక ఆర్థిక ఫలితాలు ప్రకటించింది. సెప్టెంబర్‌తో ముగిసిన మూడు నెలల కాలానికిగాను పన్నులు చెల్లించిన తర్వాత నికర లాభం 28 శాతం ఎగబాకి రూ.61.4 కోట్లుగా నమోదైంది.

హైదరాబాద్‌, అక్టోబర్‌ 20: టెక్నాలజీ ఆధారిత ఆర్థిక సేవల సంస్థ కేఫిన్‌ టెక్నాలజీస్‌ ఆశాజనక ఆర్థిక ఫలితాలు ప్రకటించింది. సెప్టెంబర్‌తో ముగిసిన మూడు నెలల కాలానికిగాను పన్నులు చెల్లించిన తర్వాత నికర లాభం 28 శాతం ఎగబాకి రూ.61.4 కోట్లుగా నమోదైంది. కిందటి ఏడాది ఇదే త్రైమాసికంలో సంస్థ రూ.47.92 కోట్లు గడించింది.

కంపెనీ ఆదాయం 16 శాతం ఎగబాకి రూ.209 కోట్లకు చేరుకున్నది. గత త్రైమాసికంలో కొత్తగా 172 కార్పొరేట్‌ క్లయింట్లను ఆకట్టుకున్నట్టు కంపెనీ ఎండీ, సీఈవో శ్రీకాంత్‌ నాదెళ్ల తెలిపారు.