హైదరాబాద్‌లో ఇన్ఫీకి కొత్త డెవలప్‌మెంట్‌ బ్లాక్‌

దేశీయ ఐటీ సంస్థ ఇన్ఫోసిస్‌.. హైదరాబాద్‌లోని పోచారం డెవలప్‌మెంట్‌ సెంటర్‌లో 11 లక్షల చదరపు అడుగుల విస్తీర్ణంలో నిర్మించిన నూతన సాఫ్ట్‌వేర్‌ డెవలప్‌మెంట్‌ బ్లాక్‌ను శుక్రవారం ప్రారంభించింది.

హైదరాబాద్‌, అక్టోబర్‌ 30 (నమస్తే తెలంగాణ): దేశీయ ఐటీ సంస్థ ఇన్ఫోసిస్‌.. హైదరాబాద్‌లోని పోచారం డెవలప్‌మెంట్‌ సెంటర్‌లో 11 లక్షల చదరపు అడుగుల విస్తీర్ణంలో నిర్మించిన నూతన సాఫ్ట్‌వేర్‌ డెవలప్‌మెంట్‌ బ్లాక్‌ను శుక్రవారం ప్రారంభించింది. ఈ కార్యక్రమానికి రాష్ట్ర ఉప ముఖ్యమంత్రి మల్లు భట్టి విక్రమారతోపాటు ఐటీ, పరిశ్రమల శాఖల మంత్రి దుద్దిళ్ల శ్రీధర్‌ బాబు హాజరయ్యారు.

ఇన్ఫోసిస్‌ తరఫున చీఫ్‌ ఫైనాన్షియల్‌ ఆఫీసర్‌ జయేష్‌ సంఘ్రాజా తదితర ఉన్నాతాధికారులు పాల్గొన్నారు. కాగా, 450 ఎకరాల్లో విస్తరించిన ఈ క్యాంపస్‌లో కొత్త బ్లాక్‌ ద్వారా అదనంగా 10 వేల ఉద్యోగుల సీట్లు అందుబాటులోకి రానున్నాయి. అంతేగాక హైబ్రిడ్‌ వరింగ్‌ విధానంలో అదనంగా 13 వేలకుపైగా ఉద్యోగులకు ఉపాధి కల్పించే స్థాయిలో కార్యకలాపాలను విస్తరించేందుకు ఈ సదుపాయం దోహదపడుతున్నది. అలాగే ఏఐ, క్లౌడ్‌ కంప్యూటింగ్‌, సైబర్‌ సెక్యూరిటీ, ఇంజినీరింగ్‌ సేవల్లో సంస్థ సామర్థ్యం పెరుగనున్నది.