ఫారెక్స్‌ రిజర్వులు డౌన్‌

గత కొన్ని వారాలుగా పెరుగుతూ వచ్చిన విదేశీ మారకం నిల్వలు ఒక్కసారిగా కరిగిపోయాయి. విదేశీ కరెన్సీ రూపంలో ఉన్న ఆస్తుల విలువ కరిగిపోవడంతో గత వారాంతానికిగాను రిజర్వులు 5.24 బిలియన్‌ డాలర్లు తరిగిపోయి 617.23 బిలియన్‌ డాలర్లకు దిగాయి. ఈ విషయాన్ని రిజర్వు బ్యాంక్‌ తాజాగా వెల్లడించింది.

న్యూఢిల్లీ, ఫిబ్రవరి 16: గత కొన్ని వారాలుగా పెరుగుతూ వచ్చిన విదేశీ మారకం నిల్వలు ఒక్కసారిగా కరిగిపోయాయి. విదేశీ కరెన్సీ రూపంలో ఉన్న ఆస్తుల విలువ కరిగిపోవడంతో గత వారాంతానికిగాను రిజర్వులు 5.24 బిలియన్‌ డాలర్లు తరిగిపోయి 617.23 బిలియన్‌ డాలర్లకు దిగాయి. ఈ విషయాన్ని రిజర్వు బ్యాంక్‌ తాజాగా వెల్లడించింది.

అంతక్రితం వారంలో రిజర్వులు 622.5 బిలియన్‌ డాలర్లుగా ఉన్నాయి. గతవారంలో విదేశీ కరెన్సీ రూపంలో ఉన్న ఆస్తుల విలువ 4.81 బిలియన్‌ డాలర్లు తరిగి 546.52 బిలియన్‌ డాలర్లకు పడిపోయాయి. అంతర్జాతీయ మార్కెట్లో యూరో, పౌండ్‌, యెన్‌ కరెన్సీలు తీవ్ర ఆటుపోటులకు గురికావడంతో ఫారెక్స్‌ రిజర్వులు తగ్గడానికి ప్రధాన కారణమని తెలిపింది. అక్టోబర్‌ 2021లో ఫారెక్స్‌ రిజర్వులు రికార్డు స్థాయి 645 బిలియన్‌ డాలర్లకు చేరుకున్న విషయం తెలిసిందే.