Harley Davidson X440 | ఆ బైక్‌ ధరను భారీగా పెంచేసిన హీరో మోటోకార్ప్‌.. ఇవాళే కొంటే 10 వేలు ఆదా చేయొచ్చు!

Harley Davidson X440 | హ్యార్లీ-డేవిడ్సన్‌ ఎక్స్‌440 ధరను హీరో మోటోకార్ప్‌ భారీగా పెంచింది. ఇటీవలే మార్కెట్‌లోకి వచ్చిన ఈ బైక్‌ అన్ని వేరియంట్ల రేటును రూ.10,500 పెంచుతున్నట్టు బుధవారం ఆ సంస్థ ప్రకటించింది. గత నెల పరిచయమైన ఈ బైక్‌ ఎక్స్‌షోరూం ధరల శ్రేణి రూ.2.29 లక్షల నుంచి 2.69 లక్షలుగా ఉన్నది.

Harley Davidson X440 | న్యూఢిల్లీ, ఆగస్టు 2: హ్యార్లీ-డేవిడ్సన్‌ ఎక్స్‌440 ధరను హీరో మోటోకార్ప్‌ భారీగా పెంచింది. ఇటీవలే మార్కెట్‌లోకి వచ్చిన ఈ బైక్‌ అన్ని వేరియంట్ల రేటును రూ.10,500 పెంచుతున్నట్టు బుధవారం ఆ సంస్థ ప్రకటించింది. గత నెల పరిచయమైన ఈ బైక్‌ ఎక్స్‌షోరూం ధరల శ్రేణి రూ.2.29 లక్షల నుంచి 2.69 లక్షలుగా ఉన్నది. అయితే తాజా నిర్ణయంతో ఈ బైక్‌ ప్రారంభ ధర రూ.2,39,500లకు చేరుకున్నది.

అయితే గురువారం వరకు పాత ధరలకే బైక్‌ లభిస్తుందని, బుక్‌ చేసుకోవాలనుకునే కస్టమర్లు చేసుకోవచ్చని ఓ ప్రకటనలో హీరో మోటోకార్ప్‌ స్పష్టం చేసింది.  రూ.5,000 చెల్లించి ఆన్‌లైన్‌లో బుక్‌ చేసుకోవచ్చని కంపెనీ సీఈవో నిరంజన్‌ గుప్తా చెప్పారు. కాగా, రాజస్థాన్‌లోని నీమ్రాన వద్దనున్న హీరో మోటోకార్ప్‌ గార్డెన్‌ ఫ్యాక్టరీలో హ్యార్లీ-డేవిడ్సన్‌ ఎక్స్‌440 బైకులు సెప్టెంబర్‌ నుంచి తయారు కానున్నాయి. అక్టోబర్‌ నుంచి డెలివరీలు ఉంటాయి. భారత్‌లో హీరో మోటోకార్ప్‌ భాగస్వామ్యంతో హ్యార్లీ-డేవిడ్సన్‌ బైకులను విక్రయిస్తున్న విషయం తెలిసిందే.