దేశీయ ద్విచక్ర వాహన తయారీ దిగ్గజం హీరో మోటోకార్ప్ డిసెంబర్ ఎగుమతులు 12, 814 యూనిట్లకు పరిమితమయ్యాయి. నిరుడు ఇదే నెల లో 20,288 యూనిట్లుగా ఉన్నాయి.
న్యూఢిల్లీ, జనవరి 2: దేశీయ ద్విచక్ర వాహన తయారీ దిగ్గజం హీరో మోటోకార్ప్ డిసెంబర్ ఎగుమతులు 12, 814 యూనిట్లకు పరిమితమయ్యాయి. నిరుడు ఇదే నెల లో 20,288 యూనిట్లుగా ఉన్నాయి. అయితే దేశీయ మార్కెట్లో 3,81,365 యూనిట్ల అమ్మకాలు జరిగాయి. గత డిసెంబర్లో 3,74, 485 యూనిట్లే. స్కూటర్ సేల్స్ కూడా 17,911 యూనిట్ల నుంచి 37,430 యూనిట్లకు పెరిగాయి. కానీ ఎగుమతులు మాత్రం తగ్గినట్టు సంస్థ సోమవారం తెలియజేసింది.
అలాగే టీవీఎస్ మోటర్ సేల్స్ మొత్తంగా 3.58 శాతం పతనమయ్యాయి. ఈసారి 2,42,012 యూనిట్లుగా ఉంటే, పోయినసారి 2,50,993 యూనిట్లుగా ఉన్నాయి. ఇక బజాజ్ ఆటో విక్రయాలు 22 శాతం పడిపోయాయి. గత ఏడాది డిసెంబర్తో చూస్తే 3,62,470 యూనిట్ల నుంచి 2,81,486 యూనిట్లకు క్షీణించాయి. మరోవైపు నిస్సాన్ మోటార్ ఇండియా అమ్మకాలు 28 శాతం పుంజుకున్నాయి. డిసెంబర్లో 8,991 యూనిట్లుగా ఉన్నాయి. నిరుడు 7,026 యూనిట్లుగా నమోదయ్యాయి.