Foreign currency | శంషాబాద్ ఎయిర్‌పోర్టులో భారీగా ఫారిన్ క‌రెన్సీ ప‌ట్టివేత‌

Foreign currency | హైద‌రాబాద్ న‌గ‌ర శివారులోని శంషాబాద్ ఎయిర్‌పోర్టు (Shamshabad Airport) లో త‌నిఖీలను ఎంత క‌ట్టుదిట్టం చేసినా బంగారం స్మ‌గ్లింగ్ (Gold smuggling), విదేశీ క‌రెన్సీ అక్ర‌మ‌ర‌వాణా య‌థేచ్ఛ‌గా జ‌రుగుతూనే ఉంది. నిత్యం ఎయిర్‌పోర్టు సెక్యూరిటీ అధికారుల‌కు స్మ‌గ్ల‌ర్‌లు (Smugglers) ప‌ట్టుబ‌డుతూనే ఉన్నారు.

Foreign currency : హైద‌రాబాద్ న‌గ‌ర శివారులోని శంషాబాద్ ఎయిర్‌పోర్టు (Shamshabad Airport) లో త‌నిఖీలను ఎంత క‌ట్టుదిట్టం చేసినా బంగారం స్మ‌గ్లింగ్ (Gold smuggling), విదేశీ క‌రెన్సీ అక్ర‌మ‌ర‌వాణా య‌థేచ్ఛ‌గా జ‌రుగుతూనే ఉంది. నిత్యం ఎయిర్‌పోర్టు సెక్యూరిటీ అధికారుల‌కు స్మ‌గ్ల‌ర్‌లు (Smugglers) ప‌ట్టుబ‌డుతూనే ఉన్నారు. తాజాగా ఇద్ద‌రు ప్ర‌యాణికుల నుంచి భారీగా ఫారిన్ క‌రెన్సీని స్వాధీనం చేసుకున్నారు.

వివ‌రాల్లోకి వెళ్తే.. శ‌నివారం ఉద‌యం ఇద్ద‌రు ప్ర‌యాణికులు కౌలాలంపూర్ వెళ్లేందుకు శంషాబాద్ ఎయిర్‌పోర్టుకు వ‌చ్చారు. అయితే వారి న‌డ‌వ‌డిక తేడాగా అనిపించ‌డంతో అనుమానించిన డీఆర్ఐ అధికారులు క్షుణ్ణంగా త‌నిఖీ చేశారు. ఈ త‌నిఖీల్లో వారి ద‌గ్గ‌ర‌ భారీగా విదేశీ క‌రెన్సీ ల‌భ్య‌మైంది. ప‌ట్టుబ‌డ్డ న‌గ‌దు విలువ దాదాపుగా రూ.1.56 కోట్లు ఉంటుంద‌ని డీఆర్‌ఐ అధికారులు తెలిపారు. ఇద్ద‌రు నిందితులు ఎయిర్‌ఏషియా ఏకే-68 విమానంలో వెళ్లేందుకు వ‌చ్చి ప‌ట్టుబ‌డ్డారు. పోలీసులు ఇద్ద‌రినీ అరెస్టు చేశారు.