Bandhan Bank | ఈ బ్యాంక్ సేవింగ్స్ డిపాజిట్ల‌పై అత్య‌ధిక వ‌డ్డీ.. ఎంతంటే?!

Bandhan Bank | బంధ‌న్ బ్యాంక్ సేవింగ్స్ అకౌంట్ల‌లో డిపాజిట్ల‌పై వ‌డ్డీరేట్లు స‌వ‌రించారు. గ‌రిష్ఠంగా 6.5 % ఆఫ‌ర్ చేస్తున్న‌ది.

Bandhan Bank | ఆర్బీఐ రెపోరేట్ పెంచ‌డంతో ప‌లు కేంద్ర ప్ర‌భుత్వ రంగ బ్యాంకులు, ప్రైవేట్ రంగ బ్యాంకులు ఫిక్స్‌డ్ డిపాజిట్ల‌పై వ‌డ్డీరేట్లు స‌వ‌రించాయి. కానీ బంధ‌న్ బ్యాంక్ త‌మ ఖాతాదారుల సేవింగ్స్ అకౌంట్స్‌లో డిపాజిట్ల‌పైనే అధిక వ‌డ్డీరేటు ఆఫ‌ర్ చేస్తున్న‌ది. పెరిగిన వ‌డ్డీరేట్లు ఈ నెల 16 నుంచి అమ‌ల్లోకి వ‌చ్చాయి.

రూ.ల‌క్ష లోపు సేవింగ్స్ డిపాజిట్ల‌పై ఏడాదికి మూడు శాతం చొప్పున వ‌డ్డీ ల‌భిస్తుంది. రూ.ల‌క్ష నుంచి రూ.10 ల‌క్ష‌ల్లోపు డిపాజిట్ల‌పై ఆరు శాతం, రూ.10 ల‌క్ష‌ల నుంచి రూ.2 కోట్ల లోపు డిపాజిట్ల‌పై 6.25 శాతం, రూ.2 కోట్ల నుంచి రూ.50 కోట్ల లోపు డిపాజిట్ల‌పై 6 శాతం, రూ.50 నుంచి రూ.100 కోట్ల లోపు డిపాజిట్ల‌పై 6.50 శాతం వ‌డ్డీరేటు అంద చేస్తున్న‌ది బంధ‌న్ బ్యాంక్‌.

ప్ర‌తి ఆర్థిక సంవ‌త్స‌రం చివ‌రి రోజు మాత్ర‌మే సేవింగ్స్ అకౌంట్ల‌లో డిపాజిట్ల‌పై వ‌డ్డీని గ‌ణిస్తారు. ప్ర‌తి త్రైమాసికం ముగింపు ద‌శ‌లో అంటే ప్ర‌తి యేటా జూన్ 30, సెప్టెంబ‌ర్ 30, డిసెంబ‌ర్ 31, మార్చి 31న వ‌డ్డీ చెల్లిస్తారు. దేశీయ‌, ఎన్నారై సేవింగ్స్ డిపాజిట్ల‌కు నూత‌న వ‌డ్డీరేట్లు వ‌ర్తిస్తాయి. రూ.100 కోట్ల‌కు పైగా సేవింగ్స్ అకౌంట్ డిపాజిట్ల‌పై వ‌డ్డీరేటు ఖ‌రారు విష‌య‌మై సంబంధిత శాఖ మేనేజ‌ర్‌తో సంప్ర‌దించాల్సి ఉంటుంది.