2023 Kawasaki Ninja 300 | జపాన్ మోటారు సైకిళ్ల తయారీ సంస్థ కవాసాకి ఇండియా.. భారత్ మార్కెట్లో శనివారం ‘2023 నింజా 300 స్పోర్ట్’ బైక్ ఆవిష్కరించింది. ఈ మోటారు సైకిల్ ధర రూ.3.43 లక్షలుగా నిర్ణయించారు. రెండో దశ బీఎస్-6 ప్రమాణాలకు అనుగుణంగా కవాసాకి తన నింజా 300 స్పోర్ట్స్ బైక్ రూపొందించింది. అప్ డేటెడ్ కవాసాకి నింజా 300 బైక్ మూడు రంగుల్లో లభిస్తుంది. లైమ్ గ్రీన్, క్యాండీ లైమ్, మెటాలిక్ మూన్ డస్ట్ గ్రే కలర్స్ లో లభిస్తుంది.
న్యూ కవసాకి నింజా 300 బైక్ 296 సీసీ డీఓహెచ్సీ, లిక్విడ్ కూల్డ్, 8-వాల్వ్ ఇంజిన్ విత్ 4-స్ట్రోక్ పార్లల్ ఫ్యుయల్ ఇంజెక్షన్ సిస్టమ్ ఉంటుంది. ఈ ఇంజిన్ 6-గేర్ బాక్స్ కలిగి ఉండటంతోపాటు 39 పీఎస్ విద్యుత్, 26.1 ఎన్ఎం గరిష్ట టార్చి వెలువరిస్తుంది.
మెరుగ్గా పని చేయడానికి వీలుగా డ్యుయల్ చానెల్ ఏబీఎస్, హీట్ మేనేజ్మెంట్ టెక్నాలజీ, రేస్ డెరివ్డ్ క్లచ్, హై-టెన్సిల్ డైమండ్ చేసిస్, అసిస్ట్ అండ్ స్లిప్పర్ క్లచ్, డ్యుయల్ థోట్టిల్ వాల్వ్ వంటి ఫీచర్లు ఉన్నాయి.