బ్యూటీ బ్లెండర్‌.. ఇలా సూపర్‌!

మేకప్‌ సరిసమానంగా వచ్చేందుకు, అందంగా చర్మం మీద అలముకునేందుకు మేకప్‌ స్పాంజ్‌ మంచి సాధనం. అయితే దీన్ని మరింత సులువుగా, ఆరోగ్యకరమైన రీతిలో వాడుకునేందుకు కొన్ని విషయాలు తెలుసుకోవాలి. ఫౌండేషన్‌, బ్లష్‌లాంటివి అప్లయ్‌ చేసేందుకు దీన్ని వాడే ముందు శుభ్రమైన నీళ్లలో బాగా తడపాలి. అంటే స్పాంజ్‌ను గోరువెచ్చటి నీటిలో ముంచాలి.

మేకప్‌ సరిసమానంగా వచ్చేందుకు, అందంగా చర్మం మీద అలముకునేందుకు మేకప్‌ స్పాంజ్‌ మంచి సాధనం. అయితే దీన్ని మరింత సులువుగా, ఆరోగ్యకరమైన రీతిలో వాడుకునేందుకు కొన్ని విషయాలు తెలుసుకోవాలి. ఫౌండేషన్‌, బ్లష్‌లాంటివి అప్లయ్‌ చేసేందుకు దీన్ని వాడే ముందు శుభ్రమైన నీళ్లలో బాగా తడపాలి. అంటే స్పాంజ్‌ను గోరువెచ్చటి నీటిలో ముంచాలి. అది పూర్తిగా నీటిని పీల్చుకున్నాక ఒకసారి మృదువుగా పిండి, టిష్యూ పేపర్‌ లేదా పొడి టవల్‌ మీద అద్దాలి. స్పాంజ్‌ కొద్దిగా తేమగా ఉన్నప్పుడు క్రీములు, లోషన్లను రాసుకునేందుకు వాడాలి. లేకపోతే ఖరీదైన ఉత్పత్తుల్ని అది పీల్చుకుంటుంది. అలాగే పిండేటప్పుడు మెలితిప్పినట్టు కాకుండా మృదువుగా నొక్కాలి.

అలాకాకుంటే స్పాంజ్‌ పాడైపోతుంది. ఇక, వాడిన తర్వాత కూడా గాఢత తక్కువగా ఉండే డిటర్జెంట్లు లేదా బేబీ షాంపుల లాంటివి, అదీ కాదంటే అచ్చంగా వీటి కోసమే తయారయ్యే బ్యూటీ బ్లెండర్‌ బార్‌సోప్‌లాంటి వాటితో వీటిని శుభ్రపరచాలి. నిజానికి ఈ బ్యూటీ బ్లెండర్‌లను వాడిన ప్రతిసారీ కడగాలి. అలా కొందరు చేయరు. అలాంటప్పుడు దాని నిండా క్రీములు పేరుకుపోతాయి. బేకింగ్‌ సోడా, గిన్నెలు తోమే లిక్విడ్‌ వేసిన నీళ్లలో నానబెట్టి కడిగితే శుభ్రపడుతుంది. మరో విషయం ఏమిటంటే, ఈ మేకప్‌ స్పాంజ్‌లను ఎప్పుడూ మిగతా సౌందర్యోత్పత్తులతో కలిపి డబ్బాలో వేసి మూత పెట్టకూడదు. లోషన్లను రాసుకునేందుకు వాడే ఇది కాస్త తడిపొడిగా ఉంటుంది. కాబట్టి బ్యాక్టీరియా త్వరగా పెరుగుతుంది. అందుకే పొడి వాతావరణం ఉండే చోటే గాలి తగిలేలా దీన్ని భద్రపరచాలి. ఇలా వాడుకుంటే బ్లెండర్‌తో పాటు మన చర్మమూ పదికాలాల పాటు భద్రంగా ఉంటుంది.