కొత్త రికార్డును సొంతం చేసుకున్న విశాఖ స్టీల్‌ ప్లాంట్

విశాఖ స్టీల్ ప్లాంట్ కొత్త రికార్డును సొంతం చేసుకున్నది. ఒక రోజులో అత్యధికంగా 7,620 టన్నుల ఉత్పత్తి చేసి కొత్త రికార్డును...

విశాఖ స్టీల్ ప్లాంట్ కొత్త రికార్డును సొంతం చేసుకున్నది. గతంలో తన పేరిటి రికార్డును తిరగరాసింది. ఒకరోజులో అత్యధికంగా ఉత్పత్తి చేసిన రికార్డులను బద్దలు కొట్టింది. విశాఖ స్టీల్ ప్లాంట్‌లోని బ్లాస్ట్ ఫర్నేస్-1 గోదావరిలో మంగళవాంర పెద్ద మొత్తంలో ఉత్పత్తి జరుగడంతో ఈ రికార్డు విశాఖ స్టీల్‌ ప్లాంట్‌ పరమైంది.

విశాఖ స్టీల్‌ ప్లాంట్‌ గతంలో ఉత్పత్తి విషయంలో అనేక రికార్డులను నెలకొల్పింది. తాజాగా ఒక రోజులో అత్యధికంగా 7,620 టన్నుల ఉత్పత్తి చేసి కొత్త రికార్డును లిఖించింది. గతంలో 2020 ఏప్రిల్ 16 న అత్యధికంగా 7,550 టన్నుల ఉత్పత్తి జరిగింది. ఇప్పటి వరకు ఇదే అత్యధిక రికార్డు. మంగళవారం నాడు ఈ రికార్డును తిరగరాశారు.

విశాఖ స్టీల్ ప్లాంట్‌ను ప్రైవేటీకరించేందుకు కేంద్రం సిద్దమైంది. దీనిపై ఉద్యోగ, కార్మిక సంఘాలతోపాటు రాజకీయ పార్టీలు ఆందోళనలు చేస్తున్నారు. తమకు సెంటిమెంట్‌గా ఉన్న స్టీల్ ప్లాంట్‌ను ప్రైవేట్‌పరం చేయొద్దని కోరుతున్నారు. తమ ఆందోళనలో భాగంగా ఈ నెల 23 న బంద్‌కు కూడా పిలుపునిచ్చారు. ఒకవైపు కార్మికుల ఆందోళనలు చేస్తుండగా.. మరోవైపు రికార్డు ఉత్పత్తి చేయడం విశేషం.