TTD | ఎస్వీ ప్రాణదాన ట్రస్టుకు రూ. 1.5 కోట్లు విరాళం అందజేత

TTD | ఏపీలోని తెనాలికి చెందిన నేషనల్ స్టిల్స్ సీఎఫ్ఓ సత్య శ్రీనివాస్ ఎస్వీ ప్రాణదాన ట్రస్టుకు రూ.1. 5 కోట్లను విరాళంగా అందజేసి భక్తిని చాటుకున్నారు.

తిరుమల : తిరుమల (Tirumala) వడ్డికాసులవాడికి ఓ భక్తుడు భారీ విరాళం అందజేశారు. ఏపీలోని తెనాలికి చెందిన నేషనల్ స్టిల్స్ సీఎఫ్ఓ సత్య శ్రీనివాస్ ఎస్వీ ప్రాణదాన ట్రస్టు(SV Prandana Trust ) కు రూ.1. 5 కోట్లను విరాళంగా అందజేసి భక్తిని చాటుకున్నారు. శుక్రవారం తిరుమల గోకులం విశ్రాంతి భవనంలోని సమావేశ మందిరంలో చెక్కును దాత టీటీడీ ఈవో జె.శ్యామల రావుకు అందజేశారు.

తిరుమలలో కంపార్టుమెంట్లు ఫుల్‌
తిరుమలలో భక్తుల రద్దీ కొనసాగుతుంది. వివిధ ప్రాంతాల నుంచి వచ్చిన భక్తులతో తిరుమలలోని 31 కంపార్టుమెంట్లు నిండిపోయి టీబీసీ వరకు క్యూలైన్‌లో నిలబడి ఉన్నారు. టోకెన్లు లేని భక్తులకు 18 గంటల్లో సర్వదర్శనం కలుగుతుందని టీటీడీ (TTD) అధికారులు పేర్కొన్నారు. నిన్న స్వామివారిని 61,699 మంది భక్తులు దర్శించుకోగా 25,082 మంది తలనీలాలు సమర్పించుకున్నారు. భక్తులు సమర్పించుకున్న కానుకల ద్వారా హుండీ ఆదాయం(Hundi Income) రూ. 3.55 కోట్లు వచ్చిందని తెలిపారు.