అక్టోబర్‌ నెల శ్రీవారి టోకెన్ల షెడ్యూల్‌ విడుదల

అక్టోబర్‌ నెలకు సంబంధించిన రూ.300 ప్రత్యేక దర్శనం, వసతి గదులు, ఇతర వివరాలను టీటీడీ ఆదివారం విడుదల చేసింది.

హైదరాబాద్‌, జూలై 12 (నమస్తే తెలంగాణ): అక్టోబర్‌ నెలకు సంబంధించిన రూ.300 ప్రత్యేక దర్శనం, వసతి గదులు, ఇతర వివరాలను టీటీడీ ఆదివారం విడుదల చేసింది. https://ttdevasthanams.ap.gov.in వెబ్‌సైట్‌ ద్వారా వీటిని బుక్‌ చేసుకోవచ్చు. శ్రీవారి ఆర్జిత సేవా టికెట్లు ఈనెల 18న ఉదయం 10 గంటలకు టీటీడీ ఆన్‌లైన్‌లో విడుదలవుతాయి.

ఈ సేవా టికెట్లు ఎలక్ట్రానిక్‌ డిప్‌ కోసం 20న ఉదయం 10 గంటల వరకు ఆన్‌లైన్‌లో నమోదు చేసుకోవచ్చు. వయోవృద్ధులు, దివ్యాంగులకు ఉచిత దర్శన టోకెన్ల కోటాను 23వ తేదీ మధ్యాహ్నం 3 గంటలకు విడుదల చేస్తారు.