Cyclone Arnab | గంట‌కు 20 కిలోమీట‌ర్ల వేగంతో దూసుకొస్తున్న అర్న‌బ్ తుపాను.. రేపు ఉద‌యం తీరాన్ని తాకే ఛాన్స్‌..!

Cyclone Arnab | బంగాళాఖాతంలో ఏర్పడిన తీవ్ర తుపాను ‘అర్నబ్ (Cyclone Arnab)’ తీరంవైపు దూసుకొస్తోంది. గత 6 గంటలుగా గంటకు 20 కిలోమీట‌ర్ల‌ వేగంతో పశ్చిమ వాయవ్య దిశగా ముందుకు కదులుతోంది. ఈ విష‌యాన్ని భార‌త‌ వాతావరణశాఖ కేంద్రం వెల్ల‌డించింది. తుపాను ప్రభావంలో తీర ప్రాంతాల్లో స‌ముద్రం అల్ల‌క‌ల్లోలంగా మారింది.

Cyclone Arnab : బంగాళాఖాతంలో ఏర్పడిన తీవ్ర తుపాను ‘అర్నబ్ (Cyclone Arnab)’ తీరంవైపు దూసుకొస్తోంది. గత 6 గంటలుగా గంటకు 20 కిలోమీట‌ర్ల‌ వేగంతో పశ్చిమ వాయవ్య దిశగా ముందుకు కదులుతోంది. ఈ విష‌యాన్ని భార‌త‌ వాతావరణశాఖ కేంద్రం వెల్ల‌డించింది. తుపాను ప్రభావంలో తీర ప్రాంతాల్లో స‌ముద్రం అల్ల‌క‌ల్లోలంగా మారింది. అల‌లు అంతెత్తున ఎగిసిప‌డుతున్నాయి. తీరానికి చేరువైనాకొద్ది తుపాను వేగం మ‌రింత పెరుగుతున్న‌ది.

తుపాను ప్రస్తుతం విశాఖప‌ట్నానికి ఆగ్నేయంగా 220 కిలోమీట‌ర్లు, కాకినాడకు 240 కిలోమీట‌ర్లు, మచిలీపట్నానికి 340 కిలోమీట‌ర్లు, బాపట్లకు 410 కిలోమీట‌ర్ల‌, ఒడిశాలోని గోపాల్‌పూర్‌కు 370 కిలోమీట‌ర్లు దూరంలో కేంద్రీకృతమై ఉందని వెల్లడించింది. బుధవారం ఉదయం బాపట్ల-విశాఖపట్నం మధ్య తీరందాటే అవకాశముందని తెలిపింది. ముఖ్యంగా యానాం వద్ద తీరందాటే సూచనలు ఉన్నాయని పేర్కొన్న‌ది.

తుపాను తీరందాటే స‌మయంలో గంటకు 125-135 కిలోమీట‌ర్ల‌ వేగంతో గరిష్ఠంగా 150 కిలోమీట‌ర్లు వేగంతో ఈదురుగాలులు వీచే అవకాశముందని వాతావరణశాఖ తెలిపింది.