Visit:
CWG-2026 : సరిగ్గా పదహారేళ్ల క్రితం ఢిల్లీ (Delhi) లో కామన్వెల్త్ పోడియం (Commonwealth Games) పై తండ్రి జాతీయ జెండాను రెపరెపలాడించారు. ఇప్పుడు గ్లాస్గో (Glasgo) వేదికగా అతడి కొడుకు వెండి పతకాన్ని ముద్దాడాడు. అతడే ఆంధ్రప్రదేశ్ (Andhrapradesh) కు చెందిన వల్లూరి అజయ్ బాబు (Valluri Ajaya Babu). సోమవారం రాత్రి జరిగిన వెయిట్లిఫ్టింగ్ (Weight Lifting) పోటీల్లో 79 కేజీల విభాగంలో రెండోస్థానంలో నిలిచాడు.
విజయనగరం జిల్లా కొండవెలగాడ గ్రామానికి చెందిన 21 ఏళ్ల అజయ్ మొత్తంగా 330 కిలోల (స్నాచ్ సెక్షన్లో 149 కిలోలు, క్లీన్ అండ్ జర్క్ సెక్షన్లో 181 కిలోలు) బరువు ఎత్తాడు. ఫైనల్లో మలేసియాకు చెందిన హిదాయత్ మహమ్మద్ ఒక కేజీ అదనంగా ఎత్తి స్వర్ణాన్ని ఎగరేసుకుపోయాడు. ఇంగ్లాండ్కు చెందిన క్రిస్ ముర్రే (325 కేజీలు) కాంస్య పతకాన్ని సొంతం చేసుకున్నాడు. అజయ్ బాబు సాధించిన పతకంతో ఈ క్రీడల్లో వెయిట్లిఫ్టింగ్ విభాగంలో భారత్ ఖాతాలో ఆరు పతకాలు చేరినట్లయింది.
అజయ్ తండ్రి వల్లూరి శ్రీనివాసరావు కూడా వెయిట్ లిఫ్టింగ్లో అంతర్జాతీయ స్థాయిలో పతకాలు సాధించారు. 2010లో ఢిల్లీలో జరిగిన కామన్వెల్త్ గేమ్స్లో 56 కేజీల విభాగంలో కాంస్య పతకాన్ని సాధించడంతో ఆయన గ్రామం పేరు నాడు అంతర్జాతీయ వేదికపై మారుమోగింది. నేడు ఆయన కుమారుడు సత్తా చాటాడు.
