Arnab Cyclone | ‘అర్న‌బ్’ ఎఫెక్ట్‌.. ఏపీలో మ‌రో ఏడు రోజులు కుండ‌పోత వ‌ర్షాలు..!

Arnab Cyclone | అర్నబ్ తుపాను ప్రభావంతో ఆంధ్రప్రదేశ్‌లో కుండపోత వ‌ర్షాలు కురుస్తున్నాయి. మరో ఏడు రోజులపాటు కూడా భారీ వర్షాలు కొన‌సాగుతాయ‌ని భారత వాతావరణ కేంద్రం హెచ్చరించింది. ఇప్పటికే రాష్ట్రవ్యాప్తంగా ముఖ్యంగా కోస్తాంధ్ర జిల్లాల్లో భారీ వర్షాలు కురుస్తున్నాయి.

Arnab Cyclone : అర్నబ్ తుపాను ప్రభావంతో ఆంధ్రప్రదేశ్‌లో కుండపోత వ‌ర్షాలు కురుస్తున్నాయి. మరో ఏడు రోజులపాటు కూడా భారీ వర్షాలు కొన‌సాగుతాయ‌ని భారత వాతావరణ కేంద్రం హెచ్చరించింది. ఇప్పటికే రాష్ట్రవ్యాప్తంగా ముఖ్యంగా కోస్తాంధ్ర జిల్లాల్లో భారీ వర్షాలు కురుస్తున్నాయి. వాతావరణ కేంద్రం తాజా నివేదిక ప్రకారం.. కోస్తాంధ్ర, యానాంలో భారీ నుంచి అతిభారీ వర్షాలు కురిసే అవకాశం ఉంది.

ఈ ఏడు రోజుల్లో కొన్నిచోట్ల అత్యంత భారీ వర్షపాతం నమోదయ్యే ప్రమాదం ఉందని అధికారులు హెచ్చరించారు. తీరం వెంబడి గంటకు 110 కిలోమీటర్ల వేగంతో బలమైన ఈదురుగాలులు వీచే అవకాశం ఉందని తెలిపారు. ప్రజలు అప్రమత్తంగా ఉండాలని, ప్రత్యేకించి తీర ప్రాంతాల వారు సురక్షిత ప్రాంతాల్లో ఉండాలని సూచించారు. ఇప్పటికే ఎడతెరిపి లేకుండా కురుస్తున్న వర్షాలవ‌ల్ల‌ ప్రజలు ఇళ్ల నుంచి బయటకు రావడానికి జంకుతున్నారు.

మ‌రోవైపు సీఎం చంద్రబాబు తుపాను పరిస్థితిని ఎప్పటికప్పుడు అధికారులతో సమీక్షిస్తున్నారు. ఎలాంటి అవాంఛనీయ సంఘటనలు జరగకుండా యంత్రాంగం పూర్తి అప్రమత్తతతో ఉందని, సహాయక చర్యలకు సిద్ధంగా ఉన్నామని అధికారులు తెలిపారు. మరోవైపు రాయలసీమలో రాబోయే నాలుగు రోజులపాటు ఉరుములు, మెరుపులతో కూడిన వర్షాలు కురుస్తాయని వాతావరణ కేంద్రం పేర్కొన్న‌ది.