తిరుమల శ్రీవారికి ముఖేశ్‌ అంబాని రూ.1.5 కోట్లు విరాళం

Mukesh Ambani Donation| రిలయన్స్‌ ఇండస్ట్రీస్‌ అధినేత ముఖేశ్‌ అంబాని కలియుగ ప్రత్యక్ష దైవం తిరుమల శ్రీ వెంకటేశ్వ ర స్వామివారిని దర్శించుకున్నారు. ఇవాళ ఉదయం తిరుమల

తిరుమల: రిలయన్స్‌ ఇండస్ట్రీస్‌ అధినేత ముఖేశ్‌ అంబాని కలియుగ ప్రత్యక్ష దైవం తిరుమల శ్రీ వెంకటేశ్వ ర స్వామివారిని దర్శించుకున్నారు. ఇవాళ ఉదయం తిరుమల చేరుకున్న అంబానీ శ్రీవారి అభిషేక సేవలో పాల్గొన్నారు. శ్రీనివాసునికి ప్రత్యేక పూజలు చేశారు. దర్శనానంతరం రంగనాయకుల మండపంలో వేద పండితులు ఆయనను ఆశీర్వదించగా, ఆలయ అధికారులు స్వామివారి తీర్థప్రసాదాలను అందజేశారు. ఈ సందర్భంగా  శ్రీవారికి రూ. 1.5 కోట్లు విరాళాన్ని డీడీ రూపంలో టీటీడీ ఈవో ధర్మారెడ్డికి అందజేశారు. అనంతరం ఆయన మాట్లాడుతూ శ్రీవారి ఆశీస్సులు ప్రతిఒక్కరికి ఉండాలని ఆకాంక్షించారు.