Amaravati farmers | డిప్యూటీ సీఎం పవన్‌కల్యాణ్‌కు అమరావతి రైతుల ఘనస్వాగతం

Amaravati farmers | ఆంధ్రప్రదేశ్‌ అమరావతి రాజధాని రైతులు డిప్యూటీ సీఎం పవన్‌కల్యాణ్‌ కు మంగళవారం ఘనస్వాగతం పలికారు.

అమరావతి : ఆంధ్రప్రదేశ్‌ అమరావతి (Amaravati) రాజధాని రైతులు డిప్యూటీ సీఎం పవన్‌కల్యాణ్‌ (Pawan Kalyan) కు మంగళవారం ఘనస్వాగతం పలికారు. మంత్రిగా ప్రమాణం చేసిన పవన్‌కల్యాణ్‌ తొలిసారిగా అమరావతికి రావడంతో రైతులు, మహిళలు, కూటమి నాయకులు, శ్రేణులు పూలమాలలతో స్వాగతం పలికారు.

హైదరాబాద్ నుంచి గన్నవరం ఎయిర్‌పోర్టు (Gannavaram Airport ) కు చేరుకున్న ఆయనకు అడుగడుగునా పూలు చల్లారు. అమరావతిని రాజధానిగా కొనసాగించాలంటూ రైతులు చేపట్టిన నిరవదిక దీక్షకు సంఘీభావం తెలుపడంతో పాటు టీడీపీ అధికారంలోకి రావాడానికి ముఖ్యభూమిక పోషించిన పవన్‌ కల్యాణ్‌కు సీడ్‌ యాక్సిస్‌ రోడ్డు వద్ద గజమాలతో సత్కరించారు.

వెంకటపాలెం నుంచి మందడం వరకు ఆయన అభిమానులు వేలాది వాహనాలతో ఊరేగింపు నిర్వహించారు. సచివాలయంలో ఏర్పాటు చేసిన మంత్రిత్వ శాఖ కార్యాలయాన్ని ఆయన సందర్శించనున్నారు. రేపు సచివాలయంలో ఆయన మంత్రిగా బాధ్యతలు చేపట్టనున్నారు.