హైదరాబాద్‌ రీజినల్‌ పాస్‌పోర్ట్‌ అధికారిగా స్నేహజ

హైదరాబాద్‌ రీజినల్‌ పాస్‌పోర్ట్‌ అధికారిగా జొన్నలగడ్డ స్నేహజ బాధ్యతలు చేపట్టారు. ఈ సందర్భంగా ఆమెకు శుక్రవారం హైదరాబాద్‌లోని ప్రధాన కార్యాలయంలో సిబ్బంది పుష్పగుచ్ఛం అందజేసి, శుభాకాంక్షలు తెలిపారు.

హైదరాబాద్‌ సిటీబ్యూరో, నవంబర్‌ 24 ( నమస్తే తెలంగాణ ) : హైదరాబాద్‌ రీజినల్‌ పాస్‌పోర్ట్‌ అధికారిగా జొన్నలగడ్డ స్నేహజ బాధ్యతలు చేపట్టారు. ఈ సందర్భంగా ఆమెకు శుక్రవారం హైదరాబాద్‌లోని ప్రధాన కార్యాలయంలో సిబ్బంది పుష్పగుచ్ఛం అందజేసి, శుభాకాంక్షలు తెలిపారు. హైదరాబాద్‌కు చెందిన స్నేహజ 2016 ఐఎఫ్‌ఎస్‌ బ్యాచ్‌కు చెందినవారు. గతంలో బీజింగ్‌లో ఇండియా ఎంబసీ సెకండ్‌ సెక్రటరీగా బాధ్యతలు చేపట్టారు. బంగ్లాదేశ్‌లో అండర్‌ సెక్రటరీగా, మినిస్ట్రీ ఆఫ్‌ ఎక్స్‌టర్నల్‌ ఎఫైర్స్‌ విజిలెన్స్‌ డివిజన్‌లోనూ విధులు నిర్వర్తించారు. చార్టెడ్‌ అకౌంటెంట్‌గానూ పనిచేశారు. ఇప్పటివరకు హైదరాబాద్‌ రీజినల్‌ పాస్‌పోర్ట్‌ అధికారిగా ఉన్న దాసరి బాలయ్య.. డిపార్టమెంట్‌ ఆఫ్‌ రెవెన్యూ అడిషనల్‌ కమిషనర్‌గా విధులు నిర్వర్తించనున్నారు.