నిరుద్యోగుల పాలిట రేవంత్‌రెడ్డి శాపం

సీఎంగా రేవంత్‌రెడ్డి రావడం నిరుద్యోగుల పాలిట శాపంగా మారిందని బీఆర్‌ఎస్వీ రాష్ట్ర ఉపాధ్యక్షుడు పడాల సతీశ్‌ ధ్వజమెత్తారు.

• బీఆర్‌ఎస్వీ రాష్ట్ర ఉపాధ్యక్షుడు పడాల సతీశ్‌

హైదరాబాద్‌, జూలై 17 (నమస్తే తెలంగాణ): సీఎంగా రేవంత్‌రెడ్డి రావడం నిరుద్యోగుల పాలిట శాపంగా మారిందని బీఆర్‌ఎస్వీ రాష్ట్ర ఉపాధ్యక్షుడు పడాల సతీశ్‌ ధ్వజమెత్తారు. డీఎస్సీ, గ్రూప్‌ 2 పరీక్షలను వాయిదా వేయాలని అభ్యర్థులు ఎంతగా కోరినా ముఖ్యమంత్రి పెడచెవిన పెట్టారని ఒక ప్రకటనలో విమర్శించారు. ఈ రెండు పరీక్షల మధ్య తక్కువ సమయం ఉన్నదని వివరించినా పట్టించుకోలేదని పేర్కొన్నారు. ఎన్నికల ముందు ఒకమాట అధికారంలోకి వచ్చాక మరో మాటగా వ్యవహరిస్తూ, నిరుద్యోగులపై లాఠీచార్జి చేయిస్తున్న సీఎం నియంతృత్వ పోకడలకు పోతున్నాడని తెలిపారు.