రైల్వే డిగ్రీ కాలేజీలో బీబీఏ, బీకామ్‌ ఫైనాన్స్‌

రైల్వే డిగ్రీ కాలేజీలో కొత్తగా రెండు డిగ్రీ కోర్సులు ప్రవేశపెట్టాలని నిర్ణయం తీసుకున్నట్టు బుధవారం దక్షిణ మధ్య రైల్వేజోన్‌ అధికారులు తెలిపారు. 2024-25 విద్యాసంవత్సరం నుంచి బీబీఏ, బీకామ్‌(కామర్స్‌) కోర్సులను ప్రవేశపెడుతున్నట్టు రైల్వే అధికారులు వెల్లడించారు.

హైదరాబాద్‌, జూన్‌ 12 (నమస్తే తెలంగాణ): రైల్వే డిగ్రీ కాలేజీలో కొత్తగా రెండు డిగ్రీ కోర్సులు ప్రవేశపెట్టాలని నిర్ణయం తీసుకున్నట్టు బుధవారం దక్షిణ మధ్య రైల్వేజోన్‌ అధికారులు తెలిపారు. 2024-25 విద్యాసంవత్సరం నుంచి బీబీఏ, బీకామ్‌(కామర్స్‌) కోర్సులను ప్రవేశపెడుతున్నట్టు రైల్వే అధికారులు వెల్లడించారు. ప్రస్తుతం ఈ డిగ్రీ కాలేజీలో బీకామ్‌(జనరల్‌), బీకామ్‌(కంప్యూటర్‌ అప్లికేషన్స్‌), బీఎస్సీ(ఎంపీసీ, ఎంపీసీఎస్‌, ఎంఎస్‌సీఎస్‌) కోర్సులను అందిస్తున్నట్టు పేర్కొన్నారు. ఉస్మానియా యూనివర్సిటీకి అనుబంధంగా కొనసాగుతున్న రైల్వే డిగ్రీ కాలేజీలో అడ్మిషన్ల కోసం దోస్త్‌ వెబ్‌సైట్‌ను సంప్రదించాలని సూచించారు.