రాచరిక పాలనలో క్వీన్‌ ఎలిజబెత్‌-2 రికార్డు

లండన్‌, జూన్‌ 12: ప్రపంచ చరిత్రలో రాచరిక వ్యవస్థలో అత్యధిక కాలం పాలించిన వారిలో బ్రిటన్‌ రాణి ఎలిజబెత్‌-2 రెండో స్థానానికి చేరారు. ఈ విషయంలో ఇప్పటి వరకు సెకండ్‌ ప్లేస్‌లో ఉన్న థాయ్‌లాండ్‌ రాజు భూమిబోల్‌ అదుల్యదేజ్‌ (1946-2016 మధ్య 70 ఏండ్ల 126 రోజులు పాలన చేశారు)ను ఎలిజబెత్‌-2 ఆదివారంతో దాటేశారు.

మొదటి స్థానంలో ఫ్రాన్స్‌కి చెందిన లూయిస్‌-14(1643-1715 మధ్య కాలంలో 72 ఏండ్ల 110 రోజులు) ఉన్నారు. 96 ఏండ్ల క్వీన్‌ ఎలిజబెత్‌-2 70 ఏండ్ల పాలనను పురస్కరించుకొని యూకేలో ప్లాటినం జూబ్లీ వేడుకలు జరుపుకుంటున్న విషయం తెలిసిందే. 2015 నాటికే ఎలిజబెత్‌-2 ఇప్పటికే క్వీన్‌ విక్టోరియాను దాటేసి బ్రిటన్‌ పాలకురాలిగా అత్యధిక కాలం ఉన్న వ్యక్తిగా రికార్డు సృష్టించారు.