కరెంట్‌ కష్టాలు.. థర్మల్‌ ప్లాంట్లలో యూనిట్ల షట్‌డౌన్‌

రాష్ట్రంలో కరెంటు కష్టాలు రోజురోజు రోజుకూ అధికమవుంటే థర్మల్‌ విద్యుత్తు ప్లాంట్లు వరుసగా షట్‌డౌన్‌ అవుతున్నాయి. తాజాగా మూడు యూనిట్లు బంద్‌ అయ్యాయి.

• వైటీపీఎస్‌లో 2, బీటీపీఎస్‌లో 1 పడక
• 1,870 మెగావాట్ల ఉత్పత్తి బంద్‌

హైదరాబాద్‌, అక్టోబర్‌ 30 (నమస్తే తెలంగాణ) : రాష్ట్రంలో కరెంటు కష్టాలు రోజురోజు రోజుకూ అధికమవుంటే థర్మల్‌ విద్యుత్తు ప్లాంట్లు వరుసగా షట్‌డౌన్‌ అవుతున్నాయి. తాజాగా మూడు యూనిట్లు బంద్‌ అయ్యాయి. యాదాద్రి థర్మల్‌ పవర్‌ స్టేషన్‌ (వైటీపీఎస్‌)లో 2 యూనిట్లు, భదాద్రి థర్మల్‌ పవర్‌ స్టేషన్‌ (బీటీపీఎస్‌)లో మరో యూనిట్‌ పడకేయడంతో 1,870 మెగావాట్ల విద్యు త్తు అందకుండా పోయింది. వైటీపీఎస్‌లోని యూనిట్‌-3, యూనిట్‌-4 షట్‌డౌన్‌ కావడంతో ఈ ఒక్క ప్లాంట్‌లోనే 1,600 మెగావాట్ల విద్యుత్తు ఉత్పత్తి నిలిచిపోయింది.

బీటీపీఎస్‌లోని యూనిట్‌-1 బంద్‌ కావడంతో 270 మెగావాట్ల విద్యుత్తు ఉత్పత్తి ఆగిపోయింది. ఇప్పటికే బీటీపీఎస్‌లోని యూనిట్‌-3 సెప్టెంబర్‌ 9 నుంచి నడవటం లేదు. అక్టోబర్‌ 27న జెన్‌కో ప్లాంట్లలో 114 మిలియన్‌ యూనిట్లుగా ఉన్న విద్యుత్తు ఉత్పత్తి అక్టోబర్‌ 29కి వచ్చే సరికి 99.89 మిలియన్‌ యూనిట్లకు పడిపోయింది. అంటే 15 మిలియన్‌ యూనిట్ల విద్యుత్తు ఉత్పత్తి తగ్గింది.