Visit:
భారతీయ సనాతన ధర్మానికి ప్రతీక స్వామి వివేకానంద (Swami Vivekananda) ఆలోచన ధోరణిని నేటి తరానికి తెలియజేయాలన్న సంకల్పంతో ఆర్యజనని, ఆర్కేమఠ్‌ ఆధ్వర్యంలో ‘ది సీక్రెట్ ఆఫ్ వర్క్(The Secret of Work ) జాతీయ స్థాయి క్విజ్ (National Level Quiz) పోటీలను నిర్వహిస్తున్నామని నిర్వాహకులు తెలిపారు. వివేకానందులు బోధించిన కర్మ యోగ సిద్ధాంతం ఆధారంగా ‘ది సీక్రెట్ ఆఫ్ వర్క్’ అనే పేరుతో క్విజ్ కార్యక్రమాన్ని ఆన్ లైన్ ఓపెన్ బుక్ పద్ధతిలో చేపట్టామని వెల్లడించారు.
18 నుంచి 30 ఏళ్ల యువతీ, యువకులు ఈ పోటీకి అర్హులని. విజేతలకు రూ.30 లక్షలకు పైగా స్కాలర్‌షిప్‌(Scholarship) లను అందించనున్నట్టు పేర్కొన్నారు. 120 పేజీలున్న కర్మయోగ పుస్తకాన్ని ఆకలింపు చేసుకుంటే సులభంగా ఈ పోటీలో పాల్గొనవచ్చని సూచించారు. ఇందులో భాగంగా ఈ నెల 25న మొదటి రౌండ్ నిర్వహించనున్నామని తెలిపారు.
రిజిస్ట్రేషన్లకు ఈ నెల 15 వరకు చివరి తేదీగా గమనించాలని వివరించారు. టాప్ 200 లో ఉన్న వారిని వర్చువల్ విధానంలో జరిగే ఇంటర్వ్యూ ద్వారా ఫైనల్ రౌండ్‌కు ఎంపిక చేస్తారని, రిజిస్ట్రేషన్లను www.ajcontest.org ద్వారా చేసుకోవాలని పిలుపునిచ్చారు.
