పోక్సో కేసులో 20 ఏండ్ల జైలు

బాలికపై లైంగికదాడి కేసులో మంగళవారం భూపాలపల్లి జిల్లా ప్రధాన న్యాయమూర్తి జీవన్‌కుమార్‌ నిందితుడికి 20 ఏండ్ల కఠిన కారాగార శిక్ష విధిస్తూ తీర్పు వెలువరించారు.

కాటారం, ఆగస్టు 18 : బాలికపై లైంగికదాడి కేసులో మంగళవారం భూపాలపల్లి జిల్లా ప్రధాన న్యాయమూర్తి జీవన్‌కుమార్‌ నిందితుడికి 20 ఏండ్ల కఠిన కారాగార శిక్ష విధిస్తూ తీర్పు వెలువరించారు. కాటారం డీఎస్పీ సూర్యనారాయణ తెలిపిన వివరాల ప్రకారం.. హనుమకొండలో చదువుతున్న ఓ బాలికతో ములుగు జిల్లా మంగపేట మండలం మొట్లగూడెం గ్రామానికి చెందిన ఎలగొండ నవీన్‌ ఇన్‌స్టా ద్వారా పరిచయం పెంచుకున్నాడు.

2021 ఏప్రిల్‌ 3న బాలికను తీసుకెళ్లి ఐదురోజుల పాటు లైంగికదాడి చేశాడు. బాలిక తండ్రి కాటారం పోలీస్‌స్టేషన్‌లో ఫిర్యాదు చేయగా, ఎస్‌హెచ్‌వో సాంబమూర్తి పోక్సో కేసు నమోదు చేశారు. అప్పటి కాటారం డీఎస్పీ కిషన్‌.. నవీన్‌ను అరెస్ట్‌ చేసి రిమాండ్‌కు తరలించాడు. నేరం రుజువు కావడంతో జిల్లా ప్రధాన న్యాయమూర్తి జైలు శిక్ష విధిస్తూ తీర్పు వెల్లడించారు.