భారత్‌కు సొంత జీపీఎస్‌.. నావిక్‌కు మళ్లీ ప్రాణం!

భారత స్వదేశీ నావిగేషన్‌ వ్యవస్థ నావిక్‌కు ఇస్రో కొత్త ఊపిరి పోసింది. తాజాగా ప్రయోగించిన ఎన్‌వీఎస్‌-03 ఉపగ్రహాన్ని విజయవంతంగా నిర్దేశిత కక్ష్యలోకి చేర్చింది.

న్యూఢిల్లీ : భారత స్వదేశీ నావిగేషన్‌ వ్యవస్థ నావిక్‌కు ఇస్రో కొత్త ఊపిరి పోసింది. తాజాగా ప్రయోగించిన ఎన్‌వీఎస్‌-03 ఉపగ్రహాన్ని విజయవంతంగా నిర్దేశిత కక్ష్యలోకి చేర్చింది. అక్టోబర్‌ 30న శ్రీహరికోట నుంచి జీఎస్‌ఎల్‌వీ-ఎఫ్‌ 18 రాకెట్‌ ద్వారా ఈ ఉపగ్రహాన్ని ప్రయోగించారు.

మూడు దశల్లో కక్ష్యను పెంచే ప్రక్రియ పూర్తి చేసి లక్ష్యాన్ని చేరుకున్నారు. అమెరికా జీపీఎస్‌ తరహాలో పనిచేసే నావిక్‌ భారత భూభాగంతో పాటు సరిహద్దుల నుంచి 1,500 కిలోమీటర్ల పరిధిలో నావిగేషన్‌, కచ్చితమైన సమయ సేవలను అందిస్తుంది.