గజ్వేల్‌ తహసీల్దార్‌ సస్పెన్షన్‌

ఓ రైతు పట్ల అనుచితంగా ప్రవర్తించిన సిద్దిపేట జిల్లా గజ్వేల్‌ తహసీల్దార్‌ చిట్టంపల్లి స్వామిపై సస్పెన్షన్‌ వేటుపడింది. గజ్వేల్‌ మండలం మక్తమాసాన్‌పల్లికి చెందిన రైతు శాతం ఏసు (రాజు) తన భూసమస్యను పరిష్కరించాలని తహసీల్దార్‌ను కలిసి కోరగా.. ‘నువ్వు బతికే ఉన్నవా?..

• రైతును అవమానించినందుకు..

గజ్వేల్‌, అక్టోబర్‌ 11 : ఓ రైతు పట్ల అనుచితంగా ప్రవర్తించిన సిద్దిపేట జిల్లా గజ్వేల్‌ తహసీల్దార్‌ చిట్టంపల్లి స్వామిపై సస్పెన్షన్‌ వేటుపడింది. గజ్వేల్‌ మండలం మక్తమాసాన్‌పల్లికి చెందిన రైతు శాతం ఏసు (రాజు) తన భూసమస్యను పరిష్కరించాలని తహసీల్దార్‌ను కలిసి కోరగా.. ‘నువ్వు బతికే ఉన్నవా?.. పురుగుల మం దు తాగి సావలేదా?’ అంటూ వెటకారంగా మాట్లాడిన వీడియో సోషల్‌ మీడియాలో వైరల్‌ కాగా.. అదే కథనం ఆదివారం ‘నమస్తే తెలంగాణ’లో ప్రచురితమైంది.

ఈ కథనంపై స్పందించిన కలెక్టర్‌ హైమావతి అధికారులతో విచారణ జరిపించారు. వారు ఇచ్చిన నివేదిక మేరకు ఆయన్ను సస్పెండ్‌ చేస్తూ ఆదివారం ఉత్తర్వులు జారీ చేశారు. అనుమతులు లేకుండా హె డ్‌క్వార్టర్‌ విడిచి వెళ్లరాదని ఆదేశాలు జారీచేసినట్టు తెలిసింది.