Funtastic | కాంగ్రెస్ ప్రచార కమిటీలోని సీనియర్లపై ఫన్టాస్టిక్ సెటైర్
Funtastic | గాంధీ భవన్లో ఆ గదిలోకి వస్తూనే సీనియర్ రిపోర్టర్ ఒక్కసారిగా బెదిరిపోయాడు. వాళ్లను చూసి తనను తాను గిల్లుకున్నాడు. నేనేం టైం మెషీన్లో లేను కదా? అనుకున్నాడు. ఆదిత్య 369లో బాలకృష్ణ శ్రీకృష్ణ దేవరాయల కాలంలోకి వెళ్లినట్టు తాను జలగం వెంగళరావు, మర్రి చెన్నారెడ్డి కాలంలోకి వచ్చానా? ఏమిటీ అని అయోమయంలో ఉండిపోయాడు.
Funtastic | గాంధీ భవన్లో ఆ గదిలోకి వస్తూనే సీనియర్ రిపోర్టర్ ఒక్కసారిగా బెదిరిపోయాడు. వాళ్లను చూసి తనను తాను గిల్లుకున్నాడు. నేనేం టైం మెషీన్లో లేను కదా? అనుకున్నాడు. ఆదిత్య 369లో బాలకృష్ణ శ్రీకృష్ణ దేవరాయల కాలంలోకి వెళ్లినట్టు తాను జలగం వెంగళరావు, మర్రి చెన్నారెడ్డి కాలంలోకి వచ్చానా? ఏమిటీ అని అయోమయంలో ఉండిపోయాడు.
రిపోర్టర్ పరిస్థితి గమనించిన అమరసింహారెడ్డి… ‘రావయ్యా రా… నువ్వు మమ్మల్ని చూస్తున్నది నిజమే. ఇది కల కాదు, టైం మిషన్ కాదు. నేను నేనే, వీళ్లంతా వీళ్లే…’ అని నవ్వుతూ చెప్పి ఆయాసం రావడంతో ఆగిపోయాడు.
ఇది గాంధీ భవనేనా? రిటైర్ అయిన నాయకుల కాలక్షేపం కోసం ఏర్పాటు చేసిన పేకాట క్లబ్బా?… అని తనలో తానే అనుకుంటుంటే …
‘అలాంటిదేమీ లేదు. తెలంగాణ ఏర్పడగానే పేకాట క్లబ్లను మూసేశారు కదా? టికెట్ రాని, టికెట్ వచ్చే అవకాశం లేని, టికెట్ వచ్చినా గెలవని, ప్రచారం చేయలేని, ప్రచారం చేసినా ఫలితం ఉండని వారందరినీ ఒక చోటకు చేర్చి హస్తం ప్రచార కమిటీ ఏర్పాటు చేశారు. ప్రచారానికి దూరంగా ఉండడమే మేం చేసే ప్రచారం. ఏమంటారు. శ్రీదండరెడ్డి గారు’ ..
కొత్తగా చేరిన అపజయ శాంతి అయోమయంగా చూస్తుంటే.. ‘మీకూ మాకూ పెద్ద తేడా లేదమ్మా. మీరు సినిమాల్లో ఎప్పుడో రిటైర్ అయి, రాజకీయాల్లోకి వచ్చారు. ఇక్కడాఎప్పుడో రిటైర్ అయ్యారు. ఒక రకంగా మీ కన్నా మేం జూనియర్లం. మేం రాజకీయాల్లోనే రిటైర్ అయ్యాం. మీరు సినిమాలు, రాజకీయాలు రెండింటిలో రిటైర్ అయ్యారు. అలా మా కన్నా సీనియర్ కాబట్టే, మీ నాయకత్వంలో ఈ కమిటీ వేశారు. ఏమంటావ్ శ్రీదండన్న’ అని అమర సింహారెడ్డి మళ్లీ నవ్వారు. గట్టిగా నవ్వడంతో ఆయాసం ఎక్కువైంది. ఏమన్నా అవుతుందేమో అని అంతా కంగారు పడ్డారు.
అపజయ శాంతి హైకమాండ్కు ఫోన్ చేసి తమ కమిటీ పని ప్రారంభించిందని, మొదటి తీర్మానం కాపీ పంపించారు.
తమ కమిటీలో అందరి వయసు, ఆరోగ్య పరిస్థితిని దృష్టిలో పెట్టుకొని తమ గదిలో నిరంతరం ఇద్దరు డాక్టర్లు ఉండేట్టు ఏర్పాటు చేయాలని తీర్మానం చేశారు. అందరూ తీర్మానాన్ని ఏకగ్రీవంగా ఆమోదించారు.
ఈ ప్రభుత్వాన్ని గద్దె దించుతాం… మెడలు వంచుతాం… మా తడాఖా చూపిస్తాం… అని గట్టిగా నినాదాలు చేశారు. ముందు వరుసలో ఇద్దరు, వెనుక వరుసలో ముగ్గురు దభేలున పడ్డట్టు సౌండ్ వచ్చింది.
భయపడాల్సిన అవసరం లేదు. మీ తీర్మానాన్ని చదివి వెంటనే మన గదిలో ఇద్దరు డ్యూటీ డాక్టర్లతో పాటు, ఆక్సిజన్ సిలిండర్లు ఉంచారు. అని ఆఫీస్ సిబ్బంది వచ్చి ధైర్యం చెప్పారు. నినాదాలు గట్టిగా చేయడంతో బీపీ డౌనయితే గుడ్లు తేలేసిన వాళ్లకి ఆక్సిజన్ పెట్టారు.
వెంటిలేటర్ మీదున్న పార్టీకి, ఆక్సిజన్ మీదున్న సీనియర్లు భలే ఉంది కదా?… అని వెనక నుంచి ఎవరో జోక్ వేశారు. సీరియస్ పరిస్థితిలో జోకులు ఆరోగ్యానికి మంచిదికాదు అనుకొని రిపోర్టర్ మెల్లగా అక్కడి నుంచి జారుకున్నాడు.
– మురళి
Read Today's Latest Telangana News in Telugu and Telugu News
RELATED ARTICLES
తాజా వార్తలు
Congress | మా ముందుకొచ్చి మాట్లాడే దమ్ముందా?.. కాంగ్రెస్ నేతలకు రైతు సవాల్
Malasiya | భారతీయులకు మలేషియా షాక్.. వీసా ఫ్రీ ఎంట్రీ నిలిపివేత
Aadhar Card | ‘పుట్టిన తేదీకి ఆధార్ కార్డ్ ధ్రువపత్రం కాదు’
PF Withdraw | ఇకపై నెలనెలా పీఎఫ్ విత్డ్రా.. సిస్టమాటిక్ విత్డ్రాయల్ ప్లాన్కు ఈపీఎఫ్వో ఆమోదం
Shah Rukh Khan | షారుఖ్ఖాన్అరుదైన ఘనత.. ది 100 గ్రేటెస్ట్ మూవీ స్టార్స్ ఆఫ్ ఆల్టైమ్ జాబితాలో చోటు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

