నిరుపేదపేదలకు ఉచిత ప్లాస్టిక్‌ సర్జరీలు : బీఎస్‌ఎంఎస్‌

ప్రమాదవశాత్తు శరీరం కాలి తీవ్ర గాయాలపాలైన నిరుపేద బాధితులకు ఉచితంగా ప్లాస్టిక్‌ సర్జరీలు నిర్వహించనున్నట్టు బర్న్‌ సర్వైవర్‌ మిషన్‌ సేవియర్‌ ట్రస్ట్‌ (బీఎస్‌ఎంఎస్‌) అదివారం ఒక ప్రకటనలో తెలిపింది. పెగాసిస్టమ్‌ సంస్థ ఆర్థిక సహకారంతో చేపట్టనున్న ఈ సేవా కార్యక్రమానికి సంబంధించిన రిజిస్ట్రేషన్లు సోమవారం నుంచి ప్రారంభమై.. ఈ నెల 31 వరకు కొనసాగుతాయని తెలిపారు.

హైదరాబాద్‌, అక్టోబర్‌ 25(నమస్తే తెలంగాణ): ప్రమాదవశాత్తు శరీరం కాలి తీవ్ర గాయాలపాలైన నిరుపేద బాధితులకు ఉచితంగా ప్లాస్టిక్‌ సర్జరీలు నిర్వహించనున్నట్టు బర్న్‌ సర్వైవర్‌ మిషన్‌ సేవియర్‌ ట్రస్ట్‌ (బీఎస్‌ఎంఎస్‌) అదివారం ఒక ప్రకటనలో తెలిపింది. పెగాసిస్టమ్‌ సంస్థ ఆర్థిక సహకారంతో చేపట్టనున్న ఈ సేవా కార్యక్రమానికి సంబంధించిన రిజిస్ట్రేషన్లు సోమవారం నుంచి ప్రారంభమై.. ఈ నెల 31 వరకు కొనసాగుతాయని తెలిపారు. ఖరీదైన ప్లాస్టిక్‌ సర్జరీలను భరించలేక చికిత్సకు దూరంగా ఉంటున్న బాధితుల కోసం ముందుకొచ్చిన పెగాసిస్టమ్‌ సంస్థకు ట్రస్ట్‌ నిర్వాహకులు కృతజ్ఞతలు తెలిపారు. ఈ శస్త్రచికిత్సలను ప్రముఖ ప్లాస్టిక్‌ అండ్‌ కాస్మొటిక్‌ సర్జన్‌ డాక్టర్‌ కల్యాణ్‌ చక్రవర్తి ఆధ్వర్యంలో నిర్వహించనున్నట్టు వెల్లడించారు. తెలంగాణ, ఆంధ్రప్రదేశ్‌ రాష్ట్రాల్లోని అర్హులైన బాధితులు ఈ అవకాశాన్ని సద్వినియోగం చేసుకోవాలని, రిజిస్ట్రేషన్ల కోసం 7680974918ను సంప్రదించాలని కోరారు.