రక్తదానం చేస్తే ప్రాణమిచ్చినట్టే

రక్తదానంతో మరొకరి ప్రాణాన్ని కాపాడవచ్చని, అందుకోసం ప్రతి ఒక్కరూ రక్తదానం చేయాలని నాగర్‌కర్నూల్‌ ఎమ్మెల్యే మర్రి జనార్దన్‌రెడ్డి కోరారు.

• ఎమ్మెల్యే మర్రి జనార్దన్‌రెడ్డి
• బర్త్‌డేను పురస్కరించుకొని రక్తదాన శిబిరం

నాగర్‌కర్నూల్‌, మార్చి 28 : రక్తదానంతో మరొకరి ప్రాణాన్ని కాపాడవచ్చని, అందుకోసం ప్రతి ఒక్కరూ రక్తదానం చేయాలని నాగర్‌కర్నూల్‌ ఎమ్మెల్యే మర్రి జనార్దన్‌రెడ్డి కోరారు. ఈనెల 30న శ్రీరామనవమి రోజు తన పుట్టినరోజు కావడంతో మంగళవారం ఎమ్మెల్యే మర్రి జనార్దన్‌రెడ్డి నాగర్‌కర్నూల్‌లోని జెడ్పీ మైదానంలో ఎంజేఆర్‌ చారిటబుల్‌ ట్రస్టు ఆధ్వర్యంలో మెగా రక్తదాన శిబిరం నిర్వహించారు. ఈ సందర్భంగా ఎమ్మెల్యే మర్రి మాట్లాడుతూ ఒక్క పిలుపుతో ఐదు మండలాల నుంచి పెద్ద సంఖ్యలో యువత, కార్యకర్తలు తరలివచ్చి 2,250 యూనిట్ల రక్తాన్ని ఇచ్చినట్టు తెలిపారు. శిబిరాన్ని విజయవంతం చేసిన ఇండియన్‌ రెడ్‌క్రాస్‌ సొసైటీ, బ్లడ్‌ బ్యాంక్‌ నిర్వాహకులకు ఎమ్మెల్యే కృతజ్ఞతలు తెలిపారు.