Visit:
నీలగిరి, జూలై 20: బాలికను లైంగికంగా వేధించిన ఓ కానిస్టేబుల్ కటకటాలపాలయ్యాడు. ఈ ఘటన ఆలస్యంగా వెలుగులోకి వచ్చింది. నల్లగొండ పట్టణానికి చెందిన ఆరోతరగతి విద్యార్థిని ఈ నెల 11న సైకిల్పై వెళ్తుండగా ఓ వ్యక్తి అడ్డగించి అసభ్యకరంగా ప్రవర్తించాడు. బాలిక తల్లిదండ్రులు వన్టౌన్ పోలీసులకు ఫిర్యాదు చేయడంతో రంగంలోకి దిగిన సీఐ ఏమిరెడ్డి రాజశేఖర్రెడ్డి ఘటనా స్థలంలో ఆధారాల కోసం ప్రయత్నించారు. అక్కడి సీసీ టీవీ ఫుటేజీ, సాంకేతిక ఆధారాలను సేకరించి, నిందితుడు గుర్రంపోడ్ పోలీస్ స్టేషన్లో పనిచేస్తున్న కానిస్టేబుల్ పుల్లెంల సత్యనారాయణగా గుర్తించారు. ఈ నెల 17న అతడిపై పోక్సో కేసు నమోదు చేసి అరెస్ట్ చేశారు. రిమాండ్కు తరలించడంతో పోలీస్ అధికారులు అతడిని సస్పెండ్ చేశారు.
16 ఏండ్ల బాలికపై లైంగికదాడి ; యువకుడిపై పోక్సో కేసు
అశ్వారావుపేట, జూలై 20 : ఇంటివద్ద డ్రాప్ చేస్తానని నమ్మించి బాలికపై లైంగికదాడికి పాల్పడిన ఘటన భద్రాద్రి కొత్తగూడెం జిల్లా అశ్వారావుపేట మండలంలో ఆదివారం చోటుచేసుకున్నది. దమ్మపేట మండలానికి చెందిన 16 ఏండ్ల బాలిక అశ్వారావుపేట మండలం ఉసిర్లగూడెంలోని బంధువుల ఇంట్లో ఉంటూ.. అశ్వారావుపేటలోని ఒక దుకాణంలో పనిచేస్తున్నది. ఆదివారం సాయంత్రం ఉసిర్లగూడెం వెళ్లడానికి అశ్వారావుపేటలో వేచిచూస్తున్న బాలికను కోర్సా సంతోష్ ఇంటివద్ద డ్రాప్ చేస్తానని చెప్పి బైక్పై ఎక్కించుకున్నాడు. పాత మామిళ్లవారిగూడెం శివారుకు చేరుకోగానే ఆమెపై లైంగికదాడికి పాల్పడ్డాడు. బాలిక తల్లి ఫిర్యాదు మేరకు యువకుడిపై పోక్సో కేసు నమోదు చేసి దర్యాప్తు చేస్తున్నట్టు అశ్వారావుపేట ఎస్సై యయాతి రాజు తెలిపారు.
