Steven Smith | స్మిత్ ఖాతాలో మరో మైలురాయి.. మూడో ఆస్ట్రేలియన్‌గా రికార్డు..!

Steven Smith: ఆస్ట్రేలియా సీనియర్ బ్యాటర్ స్టీవ్ స్మిత్(Steven Smith) తన కెరీర్లో మరో రికార్డు సాధించాడు. టెస్టుల్లో రన్ మెషీన్‌లా పేరొందిన అతడు తమ దేశ దిగ్గజం స్టీవ్ వా(Steve Waugh)ను అధిగమించాడు.

Steven Smith: ఆస్ట్రేలియా సీనియర్ బ్యాటర్ స్టీవ్ స్మిత్ (Steven Smith) తన కెరీర్లో మరో రికార్డు సాధించాడు. టెస్టుల్లో రన్ మెషీన్‌లా పేరొందిన అతడు తమ దేశ దిగ్గజం స్టీవ్ వా (Steve Waugh)ను అధిగమించాడు. సుదీర్ఘ ఫార్మాట్‌లో ఆసీస్ తరఫున అత్యధిక పరుగుల వీరుల జాబితాలో మూడో స్థానం దక్కించుకున్నాడు. దక్షిణాఫ్రికా పర్యటనలో డర్బన్ వేదికగా జరుగుతున్న తొలి టెస్టులో స్మిత్ ఈ మైలురాయిని అందుకున్నాడు.

టెస్టు క్రికెట్‌లో పాపులర్ ఆటగాడైన స్టీవ్ స్మిత్ మరో మైలురాయిని సాధించాడు. ఫ్యాబ్-4లో ఒకడైన అతడు టెస్టుల్లో అత్యధిక పరుగులు బాదిన ఆస్ట్రేలియా క్రికెటర్ల జాబితాలో చోటు సంపాదించాడు. దక్షిణాఫ్రికాతో డర్బన్ టెస్టులో అతడు మాజీ కెప్టెన్ స్టీవ్ వా రికార్డును బద్ధలు కొట్టాడు. పింక్ బాల్‌ టెస్టు తొలి ఇన్నింగ్స్‌లో 25 పరుగుల వ్యక్తిగత స్కోర్ వద్ద స్టీవ్‌ను నాలుగో స్థానానికి నెట్టేశాడీ రన్ మెషీన్.

ప్రస్తుతం స్మిత్ ఖాతాలో 10,945 రన్స్ ఉండగా.. వా పేరిట 10,927 పరుగులున్నాయి. ఈ ఫార్మాట్‌లో కంగరూల తరఫున అత్యధిక రన్స్ రికార్డు మాత్రం మాజీ కెప్టెన్ రికీ పాంటింగ్(Ricky Ponting) వద్దే ఉంది వెటరన్ అలన్ బోర్డర్‌ (Allan Border) రెండో స్థానంలో కొనసాగుతున్నాడు. పాంటింగ్ పేరిట 13,378 రన్స్ ఉండగా.. ఆల్‌టైమ్ దిగ్గజమైన బోర్డర్ 11,174 రన్స్ చేశాడు.

One Steve passes another 📈

Smith passes Waugh to become Australia’s third-leading run-scorer in Tests https://t.co/ifAnrDohF8

— Cricinfo (@cricinfo) October 9, 2026