FIFA Worldcup: ఫిఫా వ‌ర‌ల్డ్‌క‌ప్‌.. ఎవ‌రెవ‌రికి అవార్డులు ద‌క్కాయంటే

FIFA Worldcup: ఫిఫా వ‌ర‌ల్డ్‌క‌ప్ చాంపియ‌న్‌గా స్పెయిన్ అవ‌త‌రించింది. ఫైన‌ల్లో 1-0 గోల్స్ తేడాతో అర్జెంటీనాను ఓడించింది. అయితే వ‌ర‌ల్డ్‌క‌ప్‌లో అందించే అవార్డుల్లో ఫ్రాన్స్ కెప్టెన్ ఎంబాప్పేకు రెండు అవార్డులు ద‌క్కాయి. స్పెయిన్ ప్లేయ‌ర్ రోడ్రికి గోల్డెన్ బాల్‌, లియోన‌ల్ మెస్సీకి సిల్వ‌ర్ బాల్ అవార్డులు ద‌క్కాయి.

న్యూయార్క్‌: ఫిఫా వ‌ర‌ల్డ్‌క‌ప్(FIFA Worldcup) చాంపియ‌న్‌గా స్పెయిన్ అవ‌త‌రించిన విష‌యం తెలిసిందే. అసాధార‌ణ రీతిలో సాగిన ఫైన‌ల్లో 1-0 గోల్స్ తేడాతో అర్జెంటీనాను స్పెయిన్ ఓడించింది. అయితే వ‌ర‌ల్డ్‌క‌ప్‌లో అంద‌జేసే అవార్డుల్లో ఫ్రాన్స్ కెప్టెన్ ఎంబాప్పేకు రెండు అవార్డులు ద‌క్కాయి. ఫైన‌ల్లో అత్యుత్త‌మ ప్ర‌ద‌ర్శించిన స్పెయిన్ ప్లేయ‌ర్ రోడ్రికి గోల్డెన్ బాల్‌, అర్జెంటీనా ప్లేయ‌ర్ లియోన‌ల్ మెస్సీకి సిల్వ‌ర్ బాల్‌, ఫ్రాన్స్ ప్లేయ‌ర్ కైలియ‌న్ ఎంబాప్పేకు బ్రాంజ్ బాల్ అవార్డులు ద‌ద‌క్కాయి. ఇక ప్ర‌తిష్టాత్మ‌క‌మైన గోల్డెన్ బూట్ అవార్డు ఎంబాప్పేకు ద‌క్కింది. అత‌నికి బ్రాంజ్ బాల్‌తో పాటు గోల్డెన్ బూట్ అవార్డు ద‌క్క‌డం విశేషం. టోర్నీలో అత‌ను 10 గోల్స్‌, 4 అసిస్ట్‌ల‌తో ఆ అవార్డును సొంతం చేసుకున్నాడు. ఇక సిల్వ‌ర్ బూట్ అవార్డు మెస్సీని వ‌రించింది. ఇంగ్లండ్ ప్లేయ‌ర్ జూడ్ బెల్లింగ్‌హ‌మ్‌కు బ్రాంజ్ బూట్ అవార్డు ద‌క్కింది. ఇక టోర్నీలో ప్ర‌త్య‌ర్థుల‌కు గోల్ పోస్టులో అడ్డుగోడ‌లా నిలిచిన గోల్‌కీప‌ర్ ఉనాయ్ సిమ‌న్‌కు గోల్డెన్ గ్లోవ్ అవార్డు ద‌క్కింది. ఫిఫా యంగ్ ప్లేయ‌ర్ అవార్డు స్పెయిన్ ప్లేయ‌ర్ పావు కుబారిస్‌కు ద‌క్కింది. ఇక ఫెయిర్ ప్లే ట్రోఫీ నెద‌ర్లాండ్స్ జ‌ట్ట‌ను వ‌రించింది.