Asian Para Games: ఏషియ‌న్ పారా గేమ్స్‌.. షూట‌ర్‌ మోనాకు గోల్డ్‌, అవ‌నికి సిల్వ‌ర్

Asian Para Games: పారా షూట‌ర్లు చ‌రిత్ర సృష్టించారు. ఏషియ‌న్ గేమ్స్ మ‌హిళ‌ల 10 మీట‌ర్ల రైఫిల్ ఈవెంట్‌లో మెడ‌ల్స్ సాధించారు. మోనా సింగ్‌కు స్వర్ణం రాగా, అవ‌ని లేఖ‌రాకు ర‌జ‌తం ల‌భించింది.

న‌గోయా: జ‌పాన్‌లో జ‌రుగుతున్న ఏషియ‌న్ పారా గేమ్స్‌(Asian Para Games)లో ఇండియా చ‌రిత్ర సృష్టించింది. పారా షూట‌ర్లు మోనా సింగ్, అవ‌ని లేఖ‌రా .. స్వ‌ర్ణ, ర‌జ‌త ప‌త‌కాలు గెలిచారు. మ‌హిళ‌ల 10మీట‌ర్ల ఎయిర్ రైఫిల్ ఫైన‌ల్‌లో అరుదైన ఘ‌న‌త సాధించారు. ఓ ఈవెంట్‌లో టాప్ రెండు మెడ‌ల్స్‌ను ఇండియన్ అథ్లెట్లు గెల‌వ‌డం ఇదే మొద‌టిసారి. మోనా అగ‌ర్వాల్‌కు గోల్డ్ మెడ‌ల్ ద‌క్క‌గా, ఇక అవ‌ని లేఖ‌రాకు సిల్వ‌ర్ మెడ‌ల్ ద‌క్కింది. ఇద్ద‌రి మ‌ధ్య ర‌స‌వ‌త్త‌ర పోరు సాగింది. మోనా 250 పాయింట్లు సాధించ‌గా, అవ‌ని 249.6 స్కోరుతో గ‌ట్టి పోటీ ఇచ్చింది. ఇక ఇవాళ ఆర్చ‌రీ ఈవెంట్‌లో శీత‌ల్ దేవి .. పారా ఆర్చ‌రీలో వ‌ర‌ల్డ్ రికార్డు క్రియేట్ చేసింది. ఇక జూడో ఈవెంట్‌లో మ‌హిళ‌ల 52 కేజీల కేట‌గిరీలో కోకిల‌కు మెడ‌ల్ ద‌క్కే అవ‌కాశాలు ఉన్నాయి.