IND vs SL | కొలంబోలో వ‌ర్షం.. భార‌త ఇన్నింగ్స్‌కు అంత‌రాయం..!

IND vs SL : కొలంబో టెస్టుకు వ‌ర్షం అంత‌రాయం క‌లిగించింది. టీ బ్రేక్‌కు ముందే ఆకాశంలో మబ్బులు క‌మ్ముకోగా.. కాసేప‌టికే వాన అందుకుంది. దాంతో అంపైర్లు ఆట‌ను నిలిపివేశారు.

IND vs SL : కొలంబో టెస్టుకు వ‌ర్షం అంత‌రాయం క‌లిగించింది. టీ బ్రేక్‌కు ముందే ఆకాశంలో మబ్బులు క‌మ్ముకోగా.. కాసేప‌టికే వాన అందుకుంది. దాంతో అంపైర్లు ఆట‌ను నిలిపివేశారు. శ్రీ‌లంక బౌల‌ర్ల‌ను ఎడాపెడా ఉతికేస్తున్న రిష‌భ్ పంత్(63) ఔటైనా.. ధ్రువ్ జురెల్‌(95 నాటౌట్) శ‌త‌కానికి చేరువ‌య్యాడు. ఇప్ప‌టికే భారీ స్కోర్ కొట్టిన టీమిండియా జురెల్ సెంచ‌రీ అనంత‌రం ఇన్నింగ్స్ డిక్లేర్ చేసే అవ‌కాశ‌ముంది.

భార‌త ఆట‌గాళ్ల జోరుకు వ‌రుణుడు అడ్డుప‌డ్డాడు. కాసేప‌ట్లో టీ బ్రేక్ అనగా స్టేడియంలో మేఘాలు క‌మ్ముకున్నాయి. దాంతో, అంపైర్లు ముందుగానే టీ బ్రేక్ ప్ర‌క‌టించారు. ఊహించిన్న‌ట్టే వాన అందుకోవ‌డంతో.. టీమిండియా ఇన్నింగ్స్ కాస్త ఆల‌స్యంగా మొద‌ల‌వ్వ‌నుంది. ఆట నిలిచే స‌రికి భార‌త్ స్కోర్.. 475/8.

The covers are 🔛 as rain 🌧️ stops play in Colombo!

Early Tea has been taken.

Stay tuned for further updates!

Scorecard ▶️ https://t.co/r9FgXSdsMf#TeamIndia | #SLvIND pic.twitter.com/P1KE44B0uH

— BCCI (@BCCI) August 24, 2026

ఫిఫ్టీ.. ఫిఫ్టీ

ఓవ‌ర్‌నైట్ స్కోర్ 300/5తో రెండో రోజు ఆట ఆరంభించిన భార‌త్‌కు ఆదిలోనే షాక్ త‌గిలింది. అరంగేట్రం చేసిన‌ స‌రాన్ష్ జైన్(6) నిరాశ‌ప‌రిచాడు. తొలి రోజు రిటైర్డ్ హ‌ర్ట్ అయిన రిష‌భ్‌ పంత్(63) రెండో రోజు తొలి సెష‌న్‌లోనే స‌రాన్ష్ ఔట‌య్యాక క్రీజులోకి వ‌చ్చాడు. ధ్రువ్ జురెల్‌(95 నాటౌట్)తో కీల‌క భాగ‌స్వామ్యం నెల‌కొల్పిన పంత్… ఈ క్ర‌మంలోనే ధోనీ ఆల్‌టైమ్ రికార్డును త‌న సొంతం చేసుకున్నాడు. అంతేకాదు టెస్టుల్లో 21వ హాఫ్ సెంచ‌రీ న‌మోదు చేశాడీ హిట్ట‌ర్.

That will be lunch on Day 2 in Colombo!

A strong morning session for #TeamIndia 🙌

Rishabh Pant (63*) & Dhruv Jurel (59*) at the crease as India reach 419/6 after 112 overs 👏👏

Scorecard ▶️ https://t.co/r9FgXSdsMf#SLvIND pic.twitter.com/7BczhIFBVc

— BCCI (@BCCI) August 24, 2026

ప్ర‌భాత్ జ‌య‌సూర్య‌ ఓవ‌ర్లో బౌండ‌రీతో జురెల్ సైతం యాభై ర‌న్స్ సాధించాడు. సుదీర్ఘ ఫార్మాట్‌లో అత‌డికిది మూడో ఫిఫ్టీ. వీరిద్ద‌రూ శ‌త‌క భాగ‌స్వామ్యం నెల‌కొల్ప‌గా.. లంచ్ బ్రేక్ స‌మ‌యానికి భార‌త్ 6 వికెట్ల న‌ష్టానికి 419 ర‌న్స్ చేసింది. భోజ‌న విరామం త‌ర్వాత మొద‌టి బంతికే పంత్ ఔట‌య్యాడు. మాన‌వ్ సుతార్‌(18) జ‌త‌గా ఇన్నింగ్స్ నిర్మించిన‌ జురెల్.. శ‌త‌కానికి చేరువ‌య్యాడు. అసితా ఫెర్నాండో ఓవ‌ర్లో బౌండ‌రీతో అత‌డు 95కి రాగా.. అప్ప‌టికే కొలంబో టెస్టులో అప్ప‌టికే అకాశం మ‌బ్బుప‌ట్ట‌డంతో.. అంపైర్లు ముందుగానే టీ సెష‌న్ ప్ర‌క‌టించారు.