IND vs SL | చితక్కొట్టిన పంత్, జురెల్.. 503/9 వద్ద టీమిండియా ఇన్నింగ్స్ డిక్లేర్..!
IND vs SL : కొలంబో టెస్టులో భారత జట్టు భారీస్కోర్తో తొలి ఇన్నింగ్స్ డిక్లేర్ చేసింది. పడిక్కల్(117) శతకంతో పటిష్టమైన పునాది వేయగా.. రెండో రోజు ధ్రువ్ జురెల్(115 నాటౌట్), రిషభ్ పంత్(63)లు శ్రీలంక బౌలర్లను ఓ ఆట ఆడుకున్నారు.
IND vs SL : కొలంబో టెస్టులో భారత జట్టు భారీస్కోర్తో తొలి ఇన్నింగ్స్ డిక్లేర్ చేసింది. తొలిరోజే దేవ్దత్ పడిక్కల్(117) శతకంతో పటిష్టమైన పునాది వేయగా.. రెండో రోజు ధ్రువ్ జురెల్(115 నాటౌట్), రిషభ్ పంత్(63)లు శ్రీలంక బౌలర్లను ఓ ఆట ఆడుకున్నారు. ఏడో వికెట్కు సెంచరీ భాగస్వామ్యంతో టీమిండియాకు భారీ స్కోరందించిందీ జంట. జురెల్ వంద పూర్తైన కాసేపటికే కెప్టెన్ శుభ్మన్ గిల్ ఇన్నింగ్స్ డిక్లేర్ చేశాడు.
తొలి టెస్టులో విజయంతో జోరు మీదున్న భారత జట్టు కొలంబోలోనూ పటిష్ట స్థితిలో నిలిచింది. ఓవర్నైట్ స్కోర్ 300జ5తో రెండో రోజు ఆట ఆరంభించిన టీమిండియా.. ధ్రువ్ జురెల్(115 నాటౌట్) సెంచరీ, రిషభ్ పంత్(63) అర్ధ శతకంతో భారీ స్కోరందించారు. లంక బౌలర్లను విసిగెత్తించిన ఈ జోడీ.. శతక భాగస్వామ్యంతో విరుచుకుపడింది.
Innings Break!
Hundreds from Devdutt Padikkal & Dhruv Jurel and fifties from Rishabh Pant & Captain Shubman Gill! 👏👏
A solid show with the bat from #TeamIndia to post 503/9d on the board! 💪 💪
Scorecard ▶️ https://t.co/r9FgXSdsMf#SLvIND pic.twitter.com/HANxLa8iyx
— BCCI (@BCCI) August 24, 2026
తొలి సెషన్లో, ఆపై లంచ్కు ముందు ప్రత్యర్థి పేస్, స్పిన్ బౌలర్లపై పంత్ ఎదురుదాడికి దిగగా.. జురెల్ తన స్టయిల్లో దంచేశాడు. టీ బ్రేక్ అనంతరం.. వర్షంతో ఆట ఆలస్యంగా మొదలైనా.. జురెల్ టెస్టుల్లో రెండో సెంచరీ సాధించాడు. అతడి వంద కోసం ఎదురుచూసిన కోచ్ గౌతం గంభీర, కెప్టెన్ శుభ్మన్ గిల్.. 503/9 వద్ద ఇన్నింగ్స్ డిక్లేర్ చేశారు. లంక బౌలర్లలో ఫెర్నాండో నాలుగు వికెట్లు తీయగా.. జయసూర్య, నువాంత తలా రెండేసి వికెట్లు, లహిరు కుమార ఒక వికెట్తో రాణించారు.
పంత్ దూకుడు
లంక బౌలర్ల షార్ట్పిచ్ బంతులకు మణికట్టు గాయంతో తొలిరోజు రిటైర్డ్ హర్ట్ అయిన పంత్, జురెల్ రెండో రోజు హవా చూపించారు. క్రీజులో పడుతూ లేస్తూ తన స్టయిల్లో వీరంగం సృష్టించిన పంత్ 95మీటర్ల, 103 మీటర్ల దూరం సిక్సర్లతో అభిమానులను అలరించాడు. వీరిద్దరి దూకుడుతో లంచ్ బ్రేక్ సమయానికి భారత్ 6 వికెట్ల నష్టానికి 419 రన్స్ చేసింది. కానీ, భోజన విరామం తర్వాత మొదటి బంతికే పంత్ ఔటయ్యాడు.

అపై మానవ్ సుతార్(18) జతగా ఇన్నింగ్స్ నిర్మించిన జురెల్.. శతకానికి చేరువయ్యాడు. అసితా ఫెర్నాండో ఓవర్లో బౌండరీతో అతడు 95కి రాగా.. అప్పటికే అకాశం మబ్బుపట్టడంతో.. అంపైర్లు ముందుగానే టీ సెషన్ ప్రకటించారు. తిరిగి 4ఫ35 కి ఆట మొలవ్వగా.. సింగిల్తో టెస్టుల్లో రెండో సెంచరీ పూర్తి చేసుకున్నాడు జురెల్. సిరాజ్ ఔటవ్వడం.. స్కోర్ ఐదొందలు దాటడంతో కెప్టెన్ గిల్ ఇన్నింగ్స్ డిక్లేర్ చేశాడు.
Read Today's Latest Sports News in Telugu and Telugu News
RELATED ARTICLES
తాజా వార్తలు
Enugula Rakesh Reddy | యూత్ డిక్లరేషన్ పేరుతో యువతను మోసం చేసిన కాంగ్రెస్ : ఏనుగుల రాకేష్రెడ్డి
Road Accident | ఆటో బోల్తా..ఐదుగురికి గాయాలు
Sensational Comments | రేవంత్ రెడ్డిపై సంచలన వ్యాఖ్యలు.. సోనియాగాంధీకి సీనియర్ నాయకుడు లేఖ
Protein Idly | ఇడ్లీలను ప్రోటీన్లు ఉండేలా ఆరోగ్యకరంగా ఇలా తయారు చేసుకోండి.. ఎంతో రుచిగా ఉంటాయి..
Promotions | టీజీఎస్ ఆర్టీసీ హైదరాబాద్ జోన్లో 63 మంది సిబ్బందికి పదోన్నతులు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

