Visit:
Hockey Asia Cup : స్వదేశంలో జరుగుతున్న హాకీ ఆసియా కప్‌ (Hockey Asia Cup)లో భారత జట్టు జోరు కొనసాగిస్తోంది. తొలి పోరులో చైనాను చిత్తు చేసిన టీమిండియా ఈసారి జపాన్‌కు చెక్ పెట్టింది. ఆదివారం ఉత్కంఠగా సాగిన మ్యాచ్‌లో కెప్టెన్ హర్మన్‌ప్రీత్ సింగ్, మన్దీప్ సింగ్ అద్భుతంగా రాణించడంతో 3-2తో గెలుపొందింది. వరుసగా రెండు విజయాలతో భారత్ సూపర్ 4కు చేరువైంది. గ్రూప్‌ ఏలో అగ్రస్థానంలో ఉన్న హర్మన్‌ప్రీత్ సేన సోమవారం కజకిస్థాన్‌తో తలపడనుంది.
ఆరంభ మ్యాచ్‌లో చైనాపై గెలిచినా.. మెరుగైన ప్రదర్శన చేయలేదు భారత ఆటగాళ్లు జపాన్‌పై మాత్రం టాప్ గేర్‌లో ఆడారు. ఆట మొదలైన నాలుగో నిమిషంలోనే మనుదీప్ సింగ్ తొలి గోల్ అందించాడు. ఆ తర్వాతి 60 సెకన్లలోనే కెప్టెన్ హర్మన్‌ప్రీత్ పెనాల్టీ కార్నర్‌ను గోల్‌గా మలిచాడు.
𝐆𝐮𝐭𝐬𝐲 𝐬𝐡𝐨𝐰! 💪
The Indian hockey team fought hard to register its second win at the Hero Asia Cup Rajgir, Bihar 2025, to seal a place in the Super 4s.#HockeyIndia #IndiaKaGame #HumSeHaiHockey #HeroAsiaCupRajgir pic.twitter.com/QkJnvYPcQx
— Hockey India (@TheHockeyIndia) August 31, 2025
మూడో అర్ధ భాగంలో జపాన్ గోల్‌తో ఖాతా తెరిచింది. అయితే.. మరోసారి సారథి హర్మన్‌ప్రీత్ గోల్ చేయగా భారత్ 3-1తో స్పష్టమైన ఆధిక్యంలోకి వెళ్లింది. మరికాసేపట్లో ఆట ముగుస్తుందనగా జపాన్ గోల్ చేసినా ఫలితం లేకపోయింది. ప్రత్యర్థి ఆటగాళ్లు మరో గోల్‌కు ప్రయత్నించినా.. ఢిఫెండర్లు అద్భుతంగా రాణించి వాళ్లకు చెక్ పెట్టారు.
