దినేశ్‌, దీపికకు పుత్రికోత్సాహం

టీమ్‌ఇండియా మాజీ క్రికెటర్‌ దినేశ్‌ కార్తీక్‌, దీపికా పల్లికల్‌కు పుత్రికోత్సాహం కల్గింది. గురువారం దీపిక పండంటి పాపకు జన్మనిచ్చింది. ఈ సంతోషకరమైన విషయాన్ని దినేశ్‌ సోషల్‌మీడియా వేదికగా అభిమానులతో పంచుకున్నాడు.

బెంగళూరు: టీమ్‌ఇండియా మాజీ క్రికెటర్‌ దినేశ్‌ కార్తీక్‌, దీపికా పల్లికల్‌కు పుత్రికోత్సాహం కల్గింది. గురువారం దీపిక పండంటి పాపకు జన్మనిచ్చింది. ఈ సంతోషకరమైన విషయాన్ని దినేశ్‌ సోషల్‌మీడియా వేదికగా అభిమానులతో పంచుకున్నాడు. చెల్లి పుట్టినందుకు కవల సోదరులు కబీర్‌, జియాన్‌ అమిత సంతోషంలో ఉన్నారంటూ వెల్లడించాడు. ‘అందరి ఆశీస్సులతో మా కుటుంబంలోకి మురిపాల పాపను ఆహ్వానిస్తున్నాం. మాటలకందని సంతోషంతో ఉబ్బితబ్బిబవుతున్నాం.

కబీర్‌, జియాన్‌ తమ చెల్లెలు రాహాను పరిచయం చేసేందుకు ఆసక్తితో ఎదురుచూస్తున్నారు. లవ్‌ దీపిక అండ్‌ దినేశ్‌’ అంటూ కామెంట్‌ చేశారు. దినేశ్‌, దీపికకు సోషల్‌మీడియాలో శుభాకాంక్షలు వెల్లువెత్తాయి. ఆర్‌సీబీ స్టార్‌ క్రికెటర్‌ విరాట్‌ కోహ్లీతో పాటు శిఖర్‌ ధవన్‌, సానియా మీర్జా శుభాకాంక్షలు తెలియజేశారు.